گوگل نیوز پر ہمیں فالو کریںعیدالاضحی قریب آتے ہی شہر کی گلیوں، بازاروں اور سوشل میڈیا پر قربانی کے جانوروں کا چرچا ہے، ایسے میں ایک دلچسپ اور حیران کن ویڈیو نے سب کو چونکا دیا۔
ویڈیو میں دیکھا جا سکتا ہے کہ ایک گائے نیچے زمین پر آرام سے بیٹھی ہے، اچانک چھت سے ایک سفید رنگ کا بکرا سیدھا گائے پر آ گرتا ہے! یہ منظر ایسا تھا کہ چند لمحے کو دیکھنے والے بھی گھبرا گئے، مگر خوش قسمتی سے نہ گائے کو کوئی نقصان پہنچا اور نہ ہی بکرے کو خراش آئی۔
بکرا گرنے کے فوراً بعد سنبھل کر چلنے لگا، جبکہ گائے بھی گھبرا کر اٹھ گئی۔ اس ویڈیو نے سوشل میڈیا پر دھوم مچا دی ہے اور صارفین دلچسپ تبصرے کر رہے ہیں۔ کسی نے کہا، “یہ بکرا قربانی کے لیے نہیں، چھلانگ مارنے کے لیے آیا ہے!” تو کسی نے لکھا، “یہ ہوتی ہے ہوائی قربانی!”
سوشل میڈیا صارفین اس ویڈیو پر حیرت، ہنسی اور دلچسپ تبصرے کر رہے ہیں۔ کچھ صارفین نے کہا کہ “اب قربانی کے جانور بھی ایئر ڈراپ ہو رہے ہیں”، تو کسی نے لکھا “یہ قربانی نہیں، جمناسٹک لگ رہی ہے!”
سرکاری حکام نے عوام سے گزارش ہے کہ قربانی کے جانوروں کو چھتوں یا غیر محفوظ جگہوں پر نہ رکھیں تاکہ اس طرح کے حادثات سے بچا جا سکے۔
