گوگل نیوز پر ہمیں فالو کریںپاکستان پیپلز پارٹی کے چیئرمین بلاول بھٹو زرداری نے کہا ہے کہ شعبۂ صحت پی پی پی کی سندھ حکومت کی ترجیحات میں شامل ہے۔
سماجی رابطے کی ویب سائٹ ٹوئٹر پر اپنے پیغام میں چیئرمین پی پی پی بلاول بھٹو زرداری نے کورونا وائرس کی صورتحال میں شعبۂ صحت کے اعدادوشمار پر ردِ عمل دیتے ہوئے کہا کہ یہ اعدادوشمار ہماری کارکردگی کا منہ بولتا ثبوت ہیں۔
پیغام میں چیئرمین پیپلز پارٹی بلاول بھٹو زرداری نے کہا کہ اعدادوشمار سے ظاہر ہے کہ پیپلز پارٹی وہ واحد سیاسی جماعت ہے جس نے مسلسل شعبۂ صحت کو اپنی ترجیحات میں شامل رکھا تاکہ صوبے کے عوام کو بہترین سہولیات دی جاسکیں۔
The numbers speak for themselves. PPP is the only party that has consistently prioritized health care for all. https://t.co/THhcNut3Lh
— BilawalBhuttoZardari (@BBhuttoZardari) June 24, 2020
واضح رہے کہ یہ بیان چیئرمین پیپلز پارٹی نے اینی میری نامی سوشل میڈیا صارف کے شیئر کردہ اعدادوشمار پر ردِ عمل دیتے ہوئے جاری کیا جس کے مطابق سندھ میں کورونا وائرس کے خلاف مہیا کردہ طبی سہولیات ہر صوبے سے زیادہ ہیں۔
شیئر کردہ اعدادوشمار کے مطابق اسلام آباد میں 55 آئسولیشن بیڈز، 275 قرنطینہ بیڈز اور 1 ہزار 125 ہوٹلز موجود ہیں جبکہ بلوچستان میں 118 آئسولیشن بیڈز، 2 ہزار 263 قرنطینہ بیڈز اور 203 ہوٹلز موجود ہیں جہاں کورونا وائرس کے مریضوں کو رکھا جاسکتا ہے۔
اعدادوشمار کے مطابق خیبر پختونخواہ میں 24 آئسولیشن بیڈز، 78 قرنطینہ بیڈز اور 211 ہوٹلز، پنجاب میں 18 آئسولیشن بیڈز، 155 قرنطینہ بیڈز اور 26 ہوٹلز موجود ہیں۔آزاد جموں و کشمیر میں 37 آئسولیشن بیڈز، 317 قرنطینہ بیڈز اور 131 ہوٹلز موجود ہیں۔
