گوگل نیوز پر ہمیں فالو کریںکراچی: ایسٹ پولیس نے کارروائی کرتے ہوئے منشیات فروش نیٹ ورک کے 2 ملزمان کو گرفتار کر لیا جن کے قبضے سے 7 من چرس برآمد ہوئی ہے۔
تفصیلات کے مطابق ایس ایس پی ایسٹ قمر رضا جسکانی کے احکامات پر سچل پولیس نے منشیات سپلائی کرنے والے نیٹ ورک کے خلاف بڑی کارروائی کی۔ ایک وائٹ کرولا کار سے تقریباً 280 کلو گرام (7من) چرس برآمد ہوئی۔
کراچی پولیس کے مخبر گھروں میں لوٹ مار کرنے لگے
کراچی کے پوش علاقوں میں ڈکیتیاں کرنے والا برگر گینگ گرفتار
پولیس پارٹی نے خفیہ اطلاع ملنے پر جمالی پل، سپر ہائی وے کے قریب ٹویوٹا وائٹ کرولا کو روکا اور 2 ملزمان 36 سالہ محمد عرفان اور نصیب اللہ کو گرفتار کیا۔ ملزمان نے کار کے اندر خفیہ خانوں میں چرس کے 248 پیکٹ چھپا رکھے تھے۔
چرس کے 248 پیکٹس میں سے280 کلو چرس برآمد ہوئی۔ ابتدائی تحقیقات کے دوران ملزمان نے بتایا کہ منشیات کوئٹہ اور پشین سے کراچی کے مختلف علاقوں میں سپلائی کی جاتی ہیں۔ ملزمان 2 گاڑیاں پہلے بھی کراچی لاکر منشیات سپلائی کرچکے ہیں۔
گرفتار ملزمان کی 2 گاڑیوں نے بھاری مقدارمیں منشیات کراچی کے مختلف علاقوں میں سپلائی کیں۔کلیم نامی شخص پشین میں گاڑی کے مختلف خفیہ خانے بنا کر منشیات پیک کرتا ہے اور ڈرائیور کے ذریعے کراچی بھیجتا ہے۔ کار کو اسلام آباد کی جعلی نمبر پلیٹ لگائی جاتی ہے۔
پولیس کا کہنا ہے کہ ملزمان کا منشیات سپلائی کا پورا نیٹ ورک سامنے آیا ہے۔ موت کے سوداگروں کے دیگر ساتھیوں کو بھی گرفتار کریں گے جن کی تلاش کیلئے چھاپے مارے جارہے ہیں۔ گرفتار ملزمان سے منشیات فروشوں کے متعلق تفتیش جاری ہے۔
