حکومت کے خاتمے کیلئے جھوٹے وعدوں سے اکتائے اتحادی کافی ہیں،رانا تنویر حسین

کالاشاہ کاکو: پبلک اکائونٹس کمیٹی کے چیئرمین رانا تنویرحسین نے کہاہے کہ مسلم لیگ(ن)کسی لندن پلان کاحصہ نہیں ہے۔نااہل حکومت کے خاتمے کیلئے جھوٹے وعدوں سے اکتائے اسکے اپنے اتحادی ہی کافی ہیں۔

دھاندلی زدہ تبدیلی سرکارکی اپنی ہی جوتی اسکی کے سرمیں پڑنے والی ہے۔میاں محمدنوازشریف پاکستان واپس ضرورآئیں گے۔ملک کو مزید تباہی سے بچانے کیلئے نئے انتخابات یاان ہائوس تبدیلی انتہائی ناگزیرہے ۔

ان خیالات کااظہارانہوں نے کالاشاہ کاکو میں خصوصی گفتگوکرتے ہوئے کیا۔انہوں نے کہاکہ سلیکٹڈ حکومت کی نااہلیوں کی قیمت غریب عوام خودکشیاں کرکے اداکررہی ہے۔

مزید پڑھیں:خیبر پختونخوا میں 3 وزراء بغاوت کے الزام پر عہدوں سے فارغ کردئیے گئے

کرکٹر وزیراعظم نے کرکٹ سے وابستہ ہزاروں افرادکوبیروزگارکرکے ملکی کرکٹ کابیڑہ غرق کردیاہے۔مسلم لیگ (ن) مہنگائی اوربیروزگاری کاشکارعوام کوظالم حکمرانوں سے نجات کیلئے تیارہے۔

انہوں نے مزیدکہاکہ میاں محمدنوازشریف کاعلاج ابھی چل رہاہے جونہی انکی صحت ٹھیک ہوگی وہ پاکستان واپس ضرورآئیں گے۔