وزیر اعظم کا ترقی پذیر ممالک کو موسمیاتی فنانسنگ کی فراہمی کا مطالبہ

اسلام آباد: وزیر اعظم شہباز شریف نے عالمی یومِ ماحولیات کے موقعے پر ترقی پذیر ممالک کو موسمیاتی فنانسنگ کی فراہمی کا مطالبہ کردیا ہے۔

سماجی رابطے کی ویب سائٹ ٹوئٹر پر عالمی دن کے موقعے پر اپنے پیغام میں وزیر اعظم شہباز شریف نے کہا کہ یومِ ماحولیات کا مرکزی خیال صرف ایک زمین رکھا گیا ہے جو موسمیاتی تبدیلیوں سے نمٹنے کیلئے عالمی برادری کے اتحاد کا واضح مطالبہ کرتا ہے۔

یہ بھی پڑھیں:

 دُنیا بھر میں ماحولیات کا عالمی دن آج منایا جارہا ہے

On World Environment Day today, the theme of #OnlyOneEarth is a clarion call for a united global action to address multifaceted challenge of climate change. It is critical that developing countries are provided with climate financing to fight environmental hazards.

— Shehbaz Sharif (@CMShehbaz) June 5, 2022

ٹوئٹر پیغام میں وزیر اعظم شہباز شریف نے کہا کہ عالمی برادری کو موسمیاتی تبدیلیوں کے وسیع النوع چیلنجز کا سامنا ہے جبکہ کلیدی نکتہ یہ ہے کہ ترقی پذیر ممالک کو ماحولیاتی فنانسنگ فراہم کی جائے تاکہ وہ موسمیاتی تبدیلیوں سے نمٹ سکیں۔ 

خیال رہے کہ پاکستان سمیت دنیا بھر میں ماحولیات کا عالمی دن آج منایا جارہا ہے، جس کا مقصد موسمیاتی تبدیلیوں، تحفظِ ماحول اور آلودگی کے خلاف شعور اجاگر کرنا ہے، جبکہ ماحولیاتی و موسمیاتی تبدیلیاں عروج پرجبکہ عالمی برادری کو چیلنجز کا سامنا ہے۔

 اقوامِ متحدہ کے تحت ہر سال 5 جون کے روز ماحولیات کا عالمی دن منانے کا اہتمام کیا جاتا ہے۔دن منانے کا آغاز سن 1974ء میں ہوا۔ رواں برس اِس دن کا عنوان صرف ایک زمین رکھا گیا ہے جس کے تحت زمین کی اہمیت اجاگر کی جائے گی۔