گوگل نیوز پر ہمیں فالو کریںاسلام آباد: وزیرِ اعظم پاکستان عمران خان نے عوام کو ہدایت کی ہے کہ کورونا وائرس کی روک تھام کیلئے زیادہ سے زیادہ گھروں پر رہیں۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ عوام کیلئے میرا پیغام ہے کہ جس قدر ممکن ہوسکے، خود کو گھروں تک محدود رکھیں۔
وزیرِ اعظم عمران خان نے کہا کہ جتنا لوگ خود کو نظم و ضبط سے آراستہ کریں گے، اتنا ہی حکومت کیلئے کورونا وائرس (کووِڈ 19) کی وباء سے نمٹنا آسان ہوگا۔
ملک گیر سطح پر جاری لاک ڈاؤن کی پابندیوں کے حوالے سے وزیرِ اعظم عمران خان نے کہا کہ کورونا وائرس سے جتنی جلدی نمٹیں گے، اتنا ہی بندشوں میں مرحلہ وار نرمی ممکن ہو پائے گی۔
عوام کیلئے میرا پیغام کہ جس قدر ممکن ہو سکے خود کو گھروں تک محدود رکھیں۔ جتنا لوگ خود کو نظم و ضبط سے آراستہ کریں گے اتنا ہی ہمارے لئے وباء (COVID19) سے نمٹنا آسان ہوگا اور بندشوں میں مرحلہ وار نرمی بھی ممکن ہوپائے گی۔ pic.twitter.com/YEOS4Hb6iu
— Imran Khan (@ImranKhanPTI) April 20, 2020
