گوگل نیوز پر ہمیں فالو کریںاسلام آباد: صدرِ مملکت ڈاکٹر عارف علوی اور وزیر اعظم پاکستان عمران خان نے نیشنل کمانڈ اینڈ آپریشن سینٹر (این سی او سی) کے 500 روز مکمل ہونے پر ادارے کو خراجِ تحسین پیش کیا ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں صدرِ مملکت ڈاکٹر عارف علوی نے کہا کہ ہمیں این سی او اسی کے کام اور ادارے کو خراجِ تحسین پیش کرنا ہوگا جبکہ این سی او سی کامقصد مکمل لاک ڈاؤن سے بچنا تھا۔
پیغام میں صدرِ مملکت ڈاکٹر عارف علوی نے کہا کہ وزیر اعظم کی سربراہی میں منفرد قسم کے پلیٹ فارم سے غریب عوام کو مکمل لاک ڈاؤن سے بچانے کیلئے عمدہ کاوشیں سامنے آئیں اور ادارے نے حیرت انگیز کارکردگی کا مظاہرہ کیا۔
صدرِ مملکت ڈاکٹر عارف علوی نے کہا کہ این سی او سی نے ثابت کیا کہ پاکستان اسمارٹ پلاننگ کے اعتبار سے دنیا بھر کی دیگر اقوام کے مقابلے میں صفِ اول کے ممالک میں شامل ہے۔
Must appreciate work & institution of NCOC. Outstanding effort done by NCOC on the unique platform laid by the PM to ensure that the poor should not suffer with total lockdown. NCOC did wonders & proved that in smart planning Pakistan stands in the front row in comity of nations
— The President of Pakistan (@PresOfPakistan) August 8, 2021
این سی او سی کے 500 روز مکمل ہونے پر اپنے ٹوئٹر پیغام میں وزیر اعظم عمران خان نے کہا کہ کورونا کی روک تھام کیلئے ہماری حکمتِ عملی کو دنیا بھر میں سراہا گیا اور پاکستان کورونا کے بد ترین اثرات سے محفوظ رہا۔
ٹوئٹرپیغام میں وزیر اعظم عمران خان نے کہا کہ میں این سی او سی کی ٹیم کو خراجِ تحسین پیش کرتا ہوں جس نے اپنے بہترین کام سے کورونا کے خلاف حکمتِ عملی کو مؤثر بنایا جو لاک ڈاؤن کے خلاف کارگر ثابت ہوئی۔
Our Covid 19 response strategy has been appreciated by the world and with the blessings of Allah has protected Pakistan from the worst effects of Covid. I want to pay tribute to the NCOC team which through its dedicated work has been the linchpin of our Covid response strategy.
— Imran Khan (@ImranKhanPTI) August 8, 2021
یہ بھی پڑھیں: آج سے لاک ڈاؤن ختم، کاروباربحال، 31 اگست تک بعض پابندیاں برقرار
