گوگل نیوز پر ہمیں فالو کریںاسلام آباد: پاک بحریہ کے سبکدوش ہونے والے چیف ایڈمرل ظفر محمود عباسی نے وزیرِ اعظم عمران خان سے الوداعی ملاقات کی ہے جس کے دوران اہم گفتگو ہوئی۔
تفصیلات کے مطابق چیف آف نیول اسٹاف ایڈمرل ظفر محمود عباسی نے وزیرِ اعظم عمران خان سے آج الوداعی ملاقات کی جس کے دوران وزیرِ اعظم نے ایڈمرل ظفر محمود عباسی کیلئے نیک خواہشات کا اظہار کیا۔
الوداعی ملاقات کے دوران وزیرِ اعظم عمران خان نے نیول چیف ظفر محمود عباسی کی پاک بحریہ اور قوم کیلئے خدمات کی تعریف کی اور ان کیلئے نیک خواہشات کا اظہار کیا۔ اِس موقعے پر ایڈمرل ظفر محمود عباسی نے وطن کیلئے خدمات جاری رکھنے کے عزم کا اظہار کیا۔
Chief of Naval Staff Admiral Zafar Mahmood Abbasi paid a farewell call on Prime Minister @ImranKhanPTI today at Islamabad.
The Prime Minister appreciated the services of Admiral Zafar Mahmood Abbasi for Pakistan Navy and wished him well. pic.twitter.com/ZBGrnVqseH
— PTI (@PTIofficial) October 5, 2020
یاد رہے کہ اِس سے قبل وائس ایڈمرل محمد امجد خان نیازی پاک بحریہ کے نئے سربراہ بن گئے، تبدیلی کمانڈ کی تقریب 7 اکتوبر کو اسلام آباد میں منعقد ہوگی۔
ترجمان پاک بحریہ کے مطابق وائس ایڈمرل محمد امجد خان نیازی کو 7 اکتوبر کو ایڈمرل کے عہدے پر ترقی دی جائے گی۔ انہوں نے سن 1985ء میں پاک بحریہ کی آپریشنز برانچ میں کمیشن حاصل کیا تھا اور پاکستان نیول اکیڈمی سے اعزازی شمشیر بھی حاصل کی۔ وائس ایڈمرل امجد خان متعدد کمانڈز اور اسٹاف عہدیدوں پر کام کا وسیع تجربہ رکھتے ہیں۔
مزید پڑھیں: وائس ایڈمرل امجد خان پاک بحریہ کے نئے سربراہ مقرر، تقریب 7 اکتوبر کو ہوگی
