گوگل نیوز پر ہمیں فالو کریںعالمی منڈی میں تیل کی قیمتوں میں مسلسل اضافے کی وجہ سے پاکستان میں بھی 16 دسمبر سے پیٹرولیم مصنوعات کی قیمتوں میں بھی اضافہ متوقع ہے۔
مقامی میڈیا رپورٹس کے مطابق امریکی خام تیل اور برطانوی برینٹ کی قیمتوں میں عالمی منڈی میں نمایاں اضافہ ہوا ہے۔
گزشتہ ہفتے کے دوران خام تیل کی قیمت 63 سینٹس بڑھ کر 68.05 ڈالر فی بیرل ہوگئی جبکہ برینٹ آئل کی قیمت 73 سینٹس کے اضافے کے ساتھ 71.85 ڈالر فی بیرل تک پہنچ گئی۔
آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں تبدیلی کی سفارش کرتے ہوئے حکومت کو سمری ارسال کر دی ہے۔ حکومت اس بارے میں حتمی فیصلہ 15 دسمبر کو کرے گی۔
پیسے کمانے کے علاوہ کوئی کام نہیں اور، کے الیکٹرک پاکستان کی سب سے غیرمحفوظ الیکٹرک کمپنی کیسے؟
ذرائع کے مطابق پیٹرول اور ڈیزل کی قیمتوں میں 10 روپے فی لیٹر تک اضافے کا خدشہ ظاہر کیا جا رہا ہے تاہم ذرائع کا کہنا ہے کہ حکومت عوامی سطح پر اپنی شبیہ خراب ہونے سے بچنے کے لیے قیمتوں کو برقرار رکھنے کی کوشش کرے گی کیونکہ حکومت ملک میں معاشی استحکام کا دعویٰ کر رہی ہے۔
گزشتہ ماہ پیٹرول کی قیمت میں 3.72 روپے فی لیٹر اور ہائی اسپیڈ ڈیزل (ایچ ایس ڈی) کی قیمت میں 3.29 روپے فی لیٹر اضافہ کیا گیا تھا۔شہری ممکنہ قیمتوں میں اضافے کے اثرات کے لیے تیار ہیں، جو روزمرہ کے سفر اور اشیاء کی ترسیل کے اخراجات پر اثر انداز ہوں گے۔
