گوگل نیوز پر ہمیں فالو کریںپاکستان کرکٹ بورڈ نے بھارت کو کسی بھی ٹورنامنٹ میں پاک بھارت میچز کے لیے ایک نئے فارمولے کی تجویز دی ہے، جس کے تحت یہ میچز غیر جانبدار مقامات پر منعقد کیے جائیں گے۔
پی سی بی کے چیئرمین محسن نقوی نے اس تنازع کو حل کرنے کے لیے دبئی میں اپنی موجودگی کو بڑھایا ہے تاکہ چیمپئنز ٹرافی اور بھارت کے ساتھ دیگر میچز دوستانہ ماحول میں کھیلے جا سکیں۔
قومی میڈیا رپورٹس کے مطابق یہ نیا فارمولا پاکستان کی جانب سے تجویز کیا گیا ہے اور چیمپئنز ٹرافی کے میچز پاکستان اور بھارت کے درمیان ممکنہ طور پر دبئی میں کھیلے جا سکتے ہیں۔
بریڈمین کی بیگی گرین کیپ کل سڈنی میں نیلامی کیلئے پیش کی جائے گی
اس کے علاوہ مستقبل میں پاک بھارت کے میچز غیر جانبدار مقامات پر منعقد کیے جائیں گے تاکہ ٹیموں کو پاکستان یا بھارت میں سفر کرنے کی ضرورت نہ پڑے،۔
میڈیا رپورٹس کے مطابق یہ انتظامات اگلے تین سالوں کے لیے قابل عمل ہوں گے بشرطیکہ دونوں جانب سے اور بین الاقوامی کرکٹ کونسل (آئی سی سی) کی جانب سے اس کی منظوری دی جائے۔ حکام نے اس فارمولے کو سرکاری طور پر ہائبرڈ ماڈل کا نام نہیں دیا ہے۔
