گوگل نیوز پر ہمیں فالو کریںچین میں جاری ایشین گیمز میں خواتین کے ایئرپسٹل شوٹنگ مقابلے میں پاکستانی خاتون کشمالہ طلعت نے برانز میڈل پاکستان کے نام کردیا۔
یہ میڈل قومی شوٹر کشمالہ طلعت نے جیتا ہے جنہوں نے 10 میٹر ائیرپسٹل مقابلوں میں برانز کا میڈل حاصل کرکے ملک کا نام روشن کیا۔
مقابلے میں کشمالہ کا سکور 218.2 رہا جبکہ ایونٹ میں پہلی 2 پوزیشنز بھارتی پلیئرز کے نام رہیں۔
ایک بیان میں کشمالہ طلعت نے بتایا کہ وہ ایشین گیمز میں پہلی مرتبہ پاکستان کی نمائندگی کر رہی ہیں، میں نے 10 میٹر ایئر پسٹل شوٹنگ کے مقابلوں برانز میڈل جیتا ہوا ہے۔
انہوں نے مزید کہا کہ میرا ہدف اولمپکس 2024ء میں پاکستان کی نمائندگی کرنا ہے، کوشش ہوگی کے پیرس اولمپکس میں بھی اچھی کارکردگی دے کر ملک کا نام روشن کروں۔
