وزیراعظم عمران خان اپنی پارٹی اور اتحادیوں کا اعتماد کھو رہے ہیں، نیئربخاری

اسلام آباد:پی پی پی کے سیکرٹری جنرل سید نیئرحسین بخاری نے کہاہے کہ ملک تدبر اور فہم و فراست سے چلتے ہیں ڈینگیں مارنے سے نہیں۔ اپنے ایک بیان میں انہوں نے کہاہے کہ وزیراعظم اپنی پارٹی اور اتحادیوں کا اعتماد کھو رہے ہیں۔

حکمران کرپشن مافیا ٹولہ کے سرپرست ثابت ہو رہے ہیں۔ انہوں نے کہاکہ تبدیلی یہ ہے کہ آٹا چینی ہوشرباء سیکنڈلز کی انکوائری کمیشن مافیاء کے سہولت کار کرینگے۔ انہوں نے کہاکہ مصنوعی آٹا بحران سرکاری نوٹ کماؤمافیا کا پیدا کردہ ہے۔

مزید پڑھیں: وزیراعظم عمران خان کا کل دورہ کراچی، ایم کیوایم سے ملاقات نہ کرنے کا فیصلہ

وزیراعظم کا تنخواہ میں گزارہ نہ ہونے کا شکوہ اپنی ٹیم کے خلاف احتجاج ہے۔ انہوں نے کہاکہ لوگ فاقہ کشی بھوک افلاس غربت بدحالی پر ماتم کناں ہیں،اور وفاقی صوبائی مافیاز زاتی اور مالی مفادات پر باہم دست و گریبان ہیں۔

انہوںنے کہاکہ نااہلیت کا ملبہ دوسروں پر ڈالنا ناکامیوں کا اعتراف ہے،ناکارہ اور استعمال شدہ سامان پر کھڑی عمارت کبھی پائیدار نہیں ہوتی۔