گوگل نیوز پر ہمیں فالو کریںاسلام آباد :وزیراعظم عمران خان نے کہا ہے کہ کشمیر کا تنازع پاکستان اور بھارت کے درمیان اہم مسئلہ ہے ، امریکا اور چین کو قریب لانے کیلئے کردار ادا کرنا چاہتے ہیں۔
چینی خبر رساں ادارے کو دئیے گئے انٹرویو میں وزیراعظم عمران خان نے کہا کہ پاکستان اور چین کے تعلقات ہر امتحان میں پورے اترے ہیں، پاکستان اور چین کی مضبوط دوستی خطے کے استحکام کی ضمانت ہے۔سی پیک کا پہلا منصوبہ مواصلاتی رابطوں میں بہتری اور توانائی منصوبوں پر مشتمل تھا، اب ہم سی پیک کے دوسرے مرحل میں داخل ہورہے ہیں۔
وزیراعظم نے کہا کہ کشمیر کا تنازع پاکستان اور بھارت کے درمیان اہم مسئلہ ہے اور ہم تمام مسائل کا حل سیاسی مذاکرات کے ذریعے چاہتے ہیں، توقع ہے کہ جلد یابدیر ہم اس مسئلے کو بات چیت سے حل کرلیں گے۔
انہوں نے کہا کہ چین اور پاکستان اس بات پر متفق ہیں کہ افغان عوام تنازع سے سب سے زیادہ متاثر ہوئے، دونوں ممالک میں اتفاق ہے کہ اقوام عالم کی اولین ترجیح افغان عوام ہونی چاہیے، افغانستان کے عوام نے گزشتہ 40 سال تک بدامنی کا سامنا کیا تاہم یہ پہلا موقع ہے کہ افغانستان میں امن کو ایک موقع ملا ہے، افغانستان کو ایک سنگین انسانی بحران کا سامنا ہے، اس کا زیادہ تر انحصار غیر ملکی امداد پر ہے۔
مزید پڑھیں:یوکرین کشیدگی کیلئے آنے والے دن اہم، فرانسیسی و روسی صدور کی ملاقات میں انکشاف
