گوگل نیوز پر ہمیں فالو کریںراولپنڈی: پاکستان نے کروز میزائل ’رعد 2‘ کا کامیاب تجربہ کرلیا جس سے ملکی دفاعی صلاحیت میں مزید اضافہ ہو گیا ہے۔
پاک فوج کے شعبہ تعلقات عامہ آئی ایس پی آر کے مطابق رعد 2 میں جدید ترین گائیڈنس اور نیوی گیشن سسٹم نصب ہے اور یہ 600 کلومیٹر تک کے فاصلے پر زمین اور سمندر میں اپنے ہدف کو آسانی سے نشانہ بناسکتا ہے۔
اس سلسلے میں تقریب کا انعقاد کیا گیا جس میں ڈائریکٹر جنرل اسٹریٹجک پلان ڈویژن لیفٹیننٹ جنرل ندیم ذکی منج اور چیئرمین نیسکام ڈاکٹر نبیل حیات ملک سمیت اسٹریٹجک پلانز ڈویژن، اسٹریٹجک فورسز اور اسٹریٹجک آرگنائزیشن کے دیگر سینئر حکام نے شرکت کی۔
یہ بھی پڑھیں: پاکستان نے غزنوی بیلسٹک میزائل کا کامیاب تجربہ کر لیا۔آئی ایس پی آر
