گوگل نیوز پر ہمیں فالو کریںاسلام آباد: وزیراعظم شہباز شریف نے ترکی کے زلزلہ متاثرین کیلئے عطیات جمع کرنے کی ملک گیر مہم چلانے کی ہدایت کردی۔
اس حوالے سے وزیراعظم شہباز شریف نے تعلیم، مذہبی امور، خزانہ، تجارت، معاشی امور کے وزراء اور صوبائی حکومتوں کو عطیات جمع کرنے کی مہم میں بھرپور حصہ لینے کا حکم دے دیا۔
Government has decided to expand the ongoing rescue & relief efforts for Türkiye into a countrywide campaign. We will enlist the support of business community, religious scholars & educational institutions. Pakistan will continue to stand by Türkiye in this difficult hour.
— Shehbaz Sharif (@CMShehbaz) February 9, 2023
ایوان ہائے صنعت و تجارت، کاروباری برادری، مخیر حضرات ، علماء کرام، تعلیمی اداروں سمیت معاشرے کے تمام طبقات کو مہم میں شامل کیا جائے گا، وزیر تعلیم رانا تنویر حسین کو تعلیمی اداروں میں عطیات جمع کرنے کی ہدایت کردی گئی۔
ترکی اور شام میں بد ترین زلزلے سے جاں بحق افراد کی تعداد 21 ہزار سے تجاوز کرگئی
وزیر تعلیم رانا تنویر حسین طالب علموں کو عطیات دینے کی اپیل کریں گے، اس حوالے سے تعلیمی اداروں میں ترکیہ کے عوام کیلئے خصوصی کیمپ لگائے جائیں گے، جمع ہونے والے عطیات ترکیہ کے عوام کی مدد کیلئے استعمال ہوں گے۔
وزیر مذہبی امور علماء کرام اور مذہبی طبقات سے رابطہ کرکے ترکیہ کے عوام کی مدد کیلئے رائے عامہ ہموار کریں گے، وزیر اعظم نے عوام سے بھی ترکیہ کے مصیبت زدہ بھائیوں، بہنوں کیلئے دل کھول کر عطیات دینے کی اپیل کی۔
