گوگل نیوز پر ہمیں فالو کریںڈائریکٹوریٹ جنرل (ڈی جی) پاسپورٹ اینڈ امیگریشن نے پاسپورٹ حاصل کرنے کے خواہشمند شہریوں کے لیے آن لائن اپائنٹمنٹ بکنگ سسٹم بنانے کا حکم دے دیا۔
تفصیلات کے مطابق زونل پاسپورٹ دفاتر کو ڈی جی پاسپورٹ اینڈ امیگریشن مصطفی جمال کی جانب سے نئی ہدایات موصول ہوئی ہیں۔
شہریوں کی سہولت کے لیے مصطفیٰ جمال نے آن لائن اپائنٹمنٹ بکنگ سسٹم نافذ کرنے کی تجویز دی۔ انہوں نے درخواست دہندگان کو ایس ایم ایس سروس کے ذریعے قبل از وقت نوٹس دینے کا مشورہ بھی دیا۔
یہ کارروائی ڈائریکٹوریٹ جنرل آف امیگریشن اینڈ پاسپورٹ کی طرف سے پاسپورٹ دفاتر میں ای پاسپورٹ کی سہولت کے ملک گیر رول آؤٹ کے بعد کی گئی ہے۔ وفاقی حکومت کی جانب سے جون میں ای پاسپورٹ کے اجراء کا مقصد پاسپورٹ سروسز کو جدید بنانا ہے۔
جون میں وفاقی حکومت نے ای پاسپورٹ متعارف کرائے تھے۔
ڈائریکٹوریٹ جنرل آف امیگریشن اینڈ پاسپورٹ کے مطابق 5 سال کے لیے 36 صفحات پر مشتمل پاسپورٹ کی فیس 9 ہزار روپے اور ارجنٹ ای پاسپورٹ کی فیس 15 ہزار روپے ہوگی۔
72 صفحات پر مشتمل ای پاسپورٹ کی عام فیس 16,500 روپے اور فوری طور پر 27,000 روپے ہوگی۔ 10 سال کے لیے 36 صفحات پر مشتمل پاسپورٹ کی عام فیس 13,500 روپے اور فوری فیس 22,500 روپے ہوگی۔
