گوگل نیوز پر ہمیں فالو کریںلاہور: انٹرنیشنل کرکٹ کونسل (آئی سی سی) کرکٹ ورلڈ کپ میں شرکت کیلئے بھارت پہنچنے کے بعد پاکستانی کھلاڑیوں نے بھارتی مداحوں کی جانب سے دیئے جانے والے استقبال سے متعلق دلچسپ پیغامات جاری کردئیے۔
قومی ٹیم کے کپتان بابراعظم نے بھارتی مداحوں کیلئے سوشل میڈیا پر جاری کیے گئے پیغام میں لکھا کہ حیدر آباد میں ملنے والی محبت اور سپورٹ سے حد سے زیادہ متاثر ہوا ہوں۔
اسی طرح پاکستان کے اسٹار باؤلر شاہین شاہ آفریدی نے بھارتی شہر حیدرآباد دکن پہنچنے پر اپنے انسٹا گرام اکاؤنٹ پر اسٹوری پر حیدرآباد بھارت کی پن لوکیشن ڈالتے ہوئے لکھا کہ اب تک بہت ہی شاندار استقبال کیا گیا ہے۔
پاکستانی کرکٹر محمد رضوان بھی بھارتی مداحوں کا جوش و خروش دیکھ کر بہت خوش ہوئے، انہوں نے سوشل میڈیا پر جاری کیے گئے پیغام میں لکھا کہ یہاں کے لوگوں کی جانب سے حیرت انگیز استقبال کیا گیا ہے، ہر چیز بہت ہی شائستہ تھی، اب اگلے ڈیڑھ ماہ پر نظریں ہیں۔
Amazing reception from the people here. Everything was super smooth. Looking forward to the next 1.5 months ????
— Muhammad Rizwan (@iMRizwanPak) September 27, 2023
پاکستانی بیٹر امام الحق نے اپنے پیغام میں لکھا کہ الحمد اللہ، خیریت سے بھارت میں لینڈ کرلیا ہے، انہوں نے اپنے پرستاروں سے دعا کی درخواست کرتے ہوئے مزید لکھا کہ ہمیں اپنی دعاؤں میں یاد رکھیے گا۔
Alhmdulillah!Safely landed in India.
Keep us in your Prayers ????#PakistanCricketTeam #ICCWorldCup2023 pic.twitter.com/EOtWQDd8Wx— Imam Ul Haq (@ImamUlHaq12_) September 27, 2023
قومی ٹیم کے کھلاڑی افتخار احمد نے بھی اپنے ایکس اکاؤنٹ سے کرکٹ ورلڈ کپ 2023 اور انڈیا کے ہیش ٹیگ کے ساتھ وکٹری کا نشان بناکر ایک مختصر ویڈیو شیئر کی جس میں وہ خود بھی راجیو گاندھی انٹرنیشنل ائیر پورٹ سے باہر جاتے ہوئے وکٹری کا نشان بناتے ہوئے دکھائی دیتے ہیں۔
✌???? #India #CricketWC2023 pic.twitter.com/YgV36bU3qr
— Iftikhar Ahmad (@IftiMania) September 27, 2023
یاد رہے کہ بھارت میں کھیلے جانے والے انٹرنیشنل کرکٹ کونسل (آئی سی سی) مینز ورلڈ کپ میں شرکت کیلئے پاکستانی سکواڈ دبئی کے راستے بھارتی شہر حیدرآباد دکن پہنچ گیا ہے۔
