اوگرا کا رواں ماہ کیلئے ایل پی جی کی قیمت 13 روپے کم کرنے کا اعلان

اسلام آباد: آئل اینڈ گیس ریگولیٹری اتھارٹی (اوگرا) نے رواں ماہ کیلئے مائع پیٹرولیم گیس (ایل پی جی) کی قیمت میں 13 روپے تک کمی کا اعلان کیا ہے۔

تفصیلات کے مطابق اوگرا نے ایل پی جی کی قیمت میں کمی کا نوٹیفکیشن جاری کردیا ہے،جس کےمطابق ایل پی جی کے گھریلو سلنڈر کی قیمت میں 155 روپے کمی کی گئی ہےجس کے بعد گھریلو سلنڈر کی نئی قیمت 2581 روپے ہوگئی ہے۔

 واضح رہے کہ ایل پی جی کی قیمتوں میں کمی کے بعد کمرشل سلنڈر کی نئی قیمت 9931 روپے مقرر کی گئی ہے۔

یہ بھی پڑھیں: روس نے تیل اور گندم پر 30 فیصد رعایت کی کوئی پیشکش نہیں کی تھی، مفتاح اسماعیل

دوسری جانب مہنگائی کے مارے عوام کے لئے ایک اور بری خبر سامنے آگئی، ملک بھر کے یوٹیلیٹی سٹورز پر گھی اور کوکنگ آئل کی فی کلو قیمت میں 208 اور 213 روپے تک کا اضافہ ہوگیا۔

یوٹیلیٹی سٹورز کارپوریشن نے قیمتوں میں اضافے کا نوٹیفکیشن بھی جاری کردیا ہے۔مختلف برانڈز کے گھی اور کوکنگ آئل کی قیمتوں میں بڑا اضافہ ہوگیا۔

نوٹیفکیشن میں کہا گیا ہے کہ گھی کی فی کلو قیمت میں 208 روپے، مختلف برانڈ کے کوکنگ آئل کی فی لٹر قیمت میں 213 روپے تک اضافہ کر دیا گیا۔