گوگل نیوز پر ہمیں فالو کریںکراچی: صوبہ سندھ کے بلدیاتی انتخابات میں منتخب ہونے والے تمام اراکین کی تقریبِ حلف برداری 5 روز بعد 22 مئی کو ہوگی۔
تفصیلات کے مطابق الیکشن کمیشن آف پاکستان نے مخصوص نشستوں کے انتخابات کیلئے آر اوز اور ڈی آر اوز کی تعیناتی کا نوٹیفکیشن جاری کردیا۔ پی ٹی آئی نے سندھ حکومت پر الزامات عائد کرتے ہوئے نوٹیفکیشن کو مسترد کردیا۔
نیب راولپنڈی نے عمران خان کو کل طلب کر لیا
تحریکِ انصاف نے حلف برداری کی تاریخ میں توسیع کا مطالبہ کیا ہے۔ پی ٹی آئی رہنماؤں نے بصورتِ دیگر عدالت سے رجوع کرنے کا اعلان بھی کیا۔ ان کا کہنا ہے کہ نوٹیفکیشن سندھ حکومت کے ایماء پر جاری کیا گیا۔
اس حوالے سے پی ٹی آئی کا کہنا ہے کہ ہمارے متعدد چیئرمین اور وائس چیئرمین رابطے میں نہیں اور تاحال لاپتہ ہیں۔ پی پی پی گرفتار چیئرمین کو خوفزدہ کرکے اپنا میئر کراچی لانے کی خواہاں ہے۔
خیال رہے کہ ملک بھر میں تحریکِ انصاف کے خلاف کریک ڈاؤن جاری ہے۔ پی ٹی آئی رہنماؤں کا دعویٰ ہے کہ تحریکِ انصاف کے رہنماؤں کے خلاف سندھ میں کریک ڈاؤن کے پیچھے پیپلز پارٹی کی منظم سازش ہے۔
