وزیراعظم شہباز شریف کی زیرِصدارت قومی سلامتی کمیٹی کا اجلاس آج پھر ہوگا

اسلام آباد: وزیر اعظم شہباز شریف کی زیر صدارت قومی سلامتی کمیٹی کا اجلاس آج دوبارہ منعقد کیا جائے گا، قومی سلامتی کمیٹی کے اجلاس میں ملکی سلامتی، معیشت کے بارے میں اہم فیصلے متوقع ہیں۔

وزیراعظم ہاؤس میں قومی سلامتی کمیٹی کا اجلاس آج سہ پہر منعقد کیا جائے گا، جمعہ کو ہونے والے اجلاس میں زیر غور آنے والی تجاویز پر اہم فیصلے متوقع ہیں۔

آج ہونے والے قومی سلامتی کمیٹی کے اجلاس میں عسکری اور سول حکام شریک ہوں گے، حساس اداروں کے حکام ملک کی مجموعی سکیورٹی صورتحال پر بریفنگ دیں گے۔

یہ بھی پڑھیں:

قوم کو معاشی مشکلات سے نکالنے کیلئے اشرافیہ کی مراعات ختم کی جائیں، اسد اللہ بھٹو

قومی سلامتی کمیٹی کے اجلاس میں دہشت گردوں کے خاتمے کیلئے نیا آپریشن پلان بھی پیش کئے جانے کا امکان ہے۔

ذرائع کا کہنا ہے کہ اجلاس میں دہشت گردوں کے خلاف فیصلہ کن کارروائیوں کی منظوری بھی لی جائے گی،قومی سلامتی کمیٹی ملکی معیشت اور سلامتی پر واضح گائیڈ لائن کی منظوری دے گی۔