عالمی نمبر1کھلاڑی مقدمہ جیت گئے، جوکووچ کو آسٹریلیا میں قیام کی اجازت

سڈنی: ٹینس کے عالمی نمبر 1 کھلاڑی نواک جوکووچ کو مقدمہ جیتنے کے بعد آسٹریلیا میں قیام کی اجازت دے دی گئی ہے۔ عدالت نے سربین کھلاڑی کا ویزہ منسوخ کرنے کا فیصلہ کالعدم قرار دے دیا۔

تفصیلات کے مطابق سربین کھلاڑی نواک جوکووچ نے آسٹریلین عدالت میں ملک میں داخلے کی اجازت نہ دینے پر حکومتی احکامات چیلنج کرتے ہوئے مقدمہ دائر کردیا۔ سرکٹ کورٹ نے ویزہ منسوخ کرنے کا فیصلہ کالعدم قرار دیتے ہوئے انہیں ہرجانہ ادا کرنے کا بھی حکم دیا۔

یہ بھی پڑھیں:

ماہم طارق کا ورلڈکپ کا کیمپ جوائن کرنے سے انکار 

عدالتی فیصلے کے بعد نواک جوکووچ حراستی مرکز سے رہا ہوجائینگے۔ سرکاری وکیل کے مطابق عالمی نمبر 1 جب چاہیں آسٹریلیا چھوڑنے کا فیصلہ کرسکتے ہیں۔ آسٹریلین حکام نے ٹینس اسکار نواک جوکووچ کو کورونا پروٹوکول کی خلاف ورزی پر روک لیا تھا۔

کورونا پروٹوکول کی خلاف ورزی کرنے پر نواک جوکووچ کا ویزہ منسوخ کرنے کے احکامات جاری کیے گئے تھے، بعد ازاں ٹینس کے عالمی نمبر 1 کھلاری نے سرکاری فیصلہ عدالت میں چیلنج کیا۔ عدالت نے انہیں ملک بدر کرنے کا فیصلہ مؤخر کردیا۔ 

خیال رہے کہ اس سے قبل آسٹریلین حکومت نے عالمی نمبر 1 ٹینس اسٹار نواک جوکووچ کو ملک میں داخل ہونے سے روک دیا اور ان کا ویزہ منسوخ کردیا گیا تھا۔سربین کھلاڑی نے آسٹریلین اوپن چیمپین شپ 9 بار جیتی تھی۔ 

حکومت نے  نوواک جوکووچ کو ڈی پورٹ کرنے کا فیصلہ سنایا جن کے اپنے ٹائٹل کا دفاع کرنے میں کامیاب ہونے پر مختلف سوالات کھڑے ہو گئے۔ وزیرِ صحت گریک ہنٹ نے کہا کہ نوواک جوکووچ کو فیصلے پر اپیل کا حق ہے۔