گوگل نیوز پر ہمیں فالو کریںبھارتی میوزک انڈسٹری کے بے تاج بادشاہ ہنی سنگھ اور دلوں کی دھڑکن شہناز گل ایک بار پھر ساتھ جلوہ گر ہونے جا رہے ہیں۔ اس بار دونوں فنکار ایک نئے پروموشنل گانے پر کام کر رہے ہیں جو شہناز کی آنے والی پنجابی فلم اک کُڑی کی تشہیر کا حصہ ہوگا۔
یہ ان دونوں کا مسلسل دوسرا اشتراک ہے جس نے مداحوں میں تجسس اور جوش کو نئی بلندیوں تک پہنچا دیا ہے۔ سوشل میڈیا پر ان کی بڑھتی ہم آہنگی کو دیکھتے ہوئے کئی مداحوں نے ان کے درمیان کچھ خاص ہونے کے اشارے بھی دئیے تاہم قریبی ذرائع نے ہنی سنگھ کی شرارتی طبیعت کو ان خبروں کی جڑ قرار دیتے ہوئے ان افواہوں کی تردید کر دی ہے۔
یاد رہے کہ اس سے پہلے ہنی سنگھ نے اداکارہ سیرت کپور کے انسٹاگرام پر کیے گئے تبصرے سے بھی خاصی میڈیا توجہ حاصل کی تھی، جسے بعد ازاں صرف ایک مزاحیہ تبصرہ قرار دے کر بات ختم کر دی گئی۔
اب شہناز اور ہنی سنگھ کا یہ نیا گانا جو پنجابی ثقافت اور بین الاقوامی موسیقی کا امتزاج ہوگا، ریلیز کے لیے تیار ہے اور شائقین اس گانے کا بے صبری سے انتظار کر رہے ہیں۔
ہنی سنگھ جنہیں ایک وقت میوزیکل سنسنی خیز شخصیت کہا جاتا تھا اب ایک بار پھر بڑے منصوبوں کے ساتھ بھارتی میوزک سین پر اپنی موجودگی مضبوط کر رہے ہیں۔ شہناز کے ساتھ ان کی جوڑی نوجوانوں میں مقبولیت کے نئے ریکارڈ بنانے جا رہی ہے۔
