گوگل نیوز پر ہمیں فالو کریںکراچی کی معروف اور مقبول ہوم بیسڈ ڈیزرٹ برانڈ نو نان سینس چیز کیک کی بانی، زہرہ خان کینسر کے خلاف طویل اور دلیرانہ جنگ لڑنے کے بعد ہمیں چھوڑ کر چلی گئیں۔ ان کے انتقال کی خبر نے مداحوں اور دوستوں کے دلوں کو غمزدہ کر دیا۔
انسٹاگرام پر ایک جذباتی پیغام میں بتایا گیا کہ زہرہ صرف ایک شاندار چیز کیک بنانے والی نہیں بلکہ ایک مضبوط، بے خوف اور سچائی کا پرچار کرنے والی شخصیت تھیں۔
View this post on Instagram
انہوں نے اپنی بیماری کو ایک تحریک میں بدل دیا اور معاشرتی رکاوٹوں کو توڑتے ہوئے ایک مضبوط کمیونٹی قائم کی، جہاں ہر کوئی ان کی حوصلہ افزائی سے مستفید ہوتا رہا۔
جنوری 2022 میں زہرہ خان کو چھاتی کے کینسر کی ایک سنگین قسم اسٹیج 2 انویسیو ڈکٹل کارسینوما کا سامنا ہوا۔ بیماری کے باوجود، انہوں نے کیموتھراپی کی مشکلات جیسے بالوں کا جھڑنا، ذائقہ ختم ہونا اور جسمانی کمزوری کا مقابلہ کیا مگر ہمت نہیں ہاری۔
زہرہ نے نہ صرف اپنی ملازمت جاری رکھی بلکہ اپنے خوابوں کے کاروبار کو بھی بستر سے سنبھالا اور اسے کامیابی کی بلندیوں تک پہنچایا۔
ان کی سوشل میڈیا پر موجودگی اور فالوروز کی تعداد میں حیرت انگیز اضافہ ان کی ہمت، حوصلے اور لگن کا منہ بولتا ثبوت ہے۔ زہرہ خان کی جیت صرف بیماری کے خلاف نہیں بلکہ زندگی کو جینے کے انداز کا بھی پیغام تھی۔
زہرہ کی جدوجہد، مٹھاس اور جذبہ ان کے چاہنے والوں کے دلوں میں ہمیشہ زندہ رہے گا۔ ہم سب کے لیے وہ ایک روشن مثال اور زندگی کی سچی جنگ لڑنے والی بہادر خاتون کا بے مثال نشان تھیں۔
