گوگل نیوز پر ہمیں فالو کریںارجنٹینا کے اسٹار فٹبالر لیونل میسی فیفا ورلڈ کپ 2022 کا ٹائٹل جیتنے کے بعد اپنے وطن واپس پہنچ چکے ہیں، ان کی چند تصاویر سوشل میڈیا پر بہت زیادہ وائرل ہورہی ہیں، جس میں اُنہیں ٹرافی کے ہمراہ آرام کرتے ہوئے دیکھا جاسکتا ہے۔
18 دسمبر کو فرانس کو فائنل میں شکست دینے کے بعد لیونل میسی کی ٹیم کے ہمراہ وطن واپسی ہوئی۔ وطن واپس پہنچنے پر پوری ٹیم کا والہانہ استقبال کیا گیا، جس کے بعد لیونل میسی اپنے گھر پہنچے اور وہاں سے دلچسپ تصاویر شیئر کیں۔
View this post on Instagram
میسی کو ایک تصویر میں اپنے بستر پر ٹرافی کو ساتھ رکھے ہوئے سوتے ہوئے دیکھا جاسکتا ہے، جبکہ دوسری تصویر میں وہ بیدار ہونے کے بعد ٹرافی کے ساتھ پوز دے رہے ہیں۔انہوں نے کیپشن میں ان تصاویر کے ساتھ صبح بخیر کا میسج لکھا۔
واضح رہے کہ صرف 2 گھنٹے میں اس پوسٹ کو انسٹاگرام پر 2 کروڑ 25 لاکھ سے زیادہ بار لائیک کیا جاچکا ہے۔ جبکہ ان کے مداحوں کی جانب سے دلچسپ کمنٹس کا سلسلہ بھی جاری ہے۔
