گوگل نیوز پر ہمیں فالو کریںاسلام آباد:وفاقی وزیرِ داخلہ شیخ رشید احمد کا کہنا ہے کہ بدھ تک کالعدم تنظیم کے کیسز واپس لے لیں گے، شیڈول فور کو بھی دیکھیں گے،فرانس کے سفیر والا معاملہ قومی اسمبلی میں لے کر جائیں گے، مرید کے میں بیٹھے لوگ دو روز تک واپس چلے جائیں گے۔
انہوں نے کہا کہ اسلام آباد آئی جی کو کہتا ہوں کنٹینرز ہٹا دو، البتہ جی ٹی روڈ پر کنٹینرز موجود رہیں گے،کالعدم جماعت کا پنجاب میں تیسرا بڑا ووٹ بینک ہے، تمام سیاسی جماعتوں سے مذاکرات کیلئے تیار ہوں،مذہبی لوگوں سے ٹکراؤ نہیں ہونا چاہیے، احتجاج ان کا حق ہے۔
وزیر داخلہ نے کہا کہ حکومت کا کام ہے کہ لچک رکھے،حکومت کو جوڈو کراٹے نہیں کرنا چاہیے،پاکستان مسلمان دنیا کی واحد نیو کلیئر اسٹیٹ ہے، افغانستان کے بعد پاکستان پابندیوں سے محفوظ رہا البتہ ملک کے معاشی حالات بہت سخت ہیں۔
انہوں نے کہا کہ ڈی جی آئی ایس آئی کے فیصلے کا وزیرِاعظم عمران خان یا ان کے ترجمان کو پتہ ہوگا، لوگ ابھی سے الیکشن مہم پر نکل پڑے ہیں اگلا بجٹ الیکشن بجٹ ہو گا۔
میڈیا کانفرنس کے دوران وزیر داخلہ کا کہنا تھا کہ ٹی ایل پی سے 8 گھنٹے بات چیت ہوئی ہے،منگل اور بدھ تک ٹی ایل پی کے کیسیز واپس لیکر فورتھ شیڈول دیکھیں گے۔ شیخ رشید نے کہاکہ ہماری خواہش ہے کہ امن و امان کے مسئلے کو بہتر کیا جاناچاہیے۔
وزیر داخلہ نے کہاکہ کالعدم تنظیم کا اعتراض درست ہے کہ 6 ماہ تک ان کو سنا نہیں گیا۔ شیخ رشید احمد نے بتایاکہ سعد رضوی سے بھی بات چیت تفصیلی ہوئی ہے،ٹی ایل پی سے فرانس کے سفیر کے حوالے سے بات کی گئی،میں نے کہا پاکستان واحد مسلم ایٹمی پاور ملک ہے،فرانس کا سفیر ابھی موجود نہیں ہے، معاملہ اسمبلی میں لے کر جائیں گے۔
انہوں نے کہاکہ ایف اے ٹی ایف پر بھی ہماری کارکردگی بہتر رہی،پیر کی صبح وزارت داخلہ ٹی ایل پی کے لوگ آئیں گے۔ انہوں نے کہاکہ مذاکرات میں تاخیر ہوئی یہ مشکل سوال ہے۔ انہیں نے کہاکہ پاکستان بھارت کا میچ آج تک مس نہیں کیا،اس بار پاک بھارت میچ ٹی وی پر دیکھنے کا فیصلہ کیا ہے۔
انہوں نے کہاکہ پہلی بار میچ نہیں دیکھ رہا، جاوید میاں داد نے چھکا مارا تھا تب بھی میں وزیر تھا،کیا میں میچ کیلئے پاکستان کا اتنا بڑا مسئلہ چھوڑ دیتا۔ ایک سوال پر انہوں نے کہاکہ پاکستان کے اس وقت ڈی جی آئی ایس آئی جنرل فیض حمید صاحب ہیں۔
انہوں نے کہاکہ میں سیاسی ورکر ہوں تمام جماعتوں سے مذاکرات کے لیے تیار ہوں۔ انہوں نے کہاکہ اپوزیشن جمعہ جمعہ کھیل رہی ہے اب الیکشن کمپین شروع ہو چکی ہے۔ انہوں نے کہاکہ ہم سے زیادہ کسی نے ختم نبوت کے معاملے پر جیلیں کاٹی ہیں۔
انہوں نے کہاکہ تصادم کے حق میں نہیں ہیں،صوبائی وزیر داخلہ نہیں ہوں،،میں اس کمیٹی کی صدارت نہیں کرنا چاہتا تھا مگر سعد رضوی صاحب سمیت دیگر کی خواہش پر کمیٹی کی صدارت کی۔ انہوں نے کہاکہ ٹی ایل پی کو بین نہیں کیا وہ الیکشن لڑ رہے ہیں نا ہم سپریم کورٹ گئے۔
مزید پڑھیں: جام کمال نے مستعفی ہونے کا فیصلہ کرلیا، آج پریس کانفرنس میں اعلان متوقع
