گوگل نیوز پر ہمیں فالو کریںلندن: برطانیہ نے مسلم لیگ ن کے قائد نواز شریف کی ویزا میں توسیع کی درخواست کو مسترد کردیا۔
ذرائع کا اس حوالے سے کہنا ہے کہ مسلم لیگ ن کے قائد میاں محمد نوازشریف نے ویزا میں توسیع کی درخواست دی تھی،تاہم برطانوی حکام نے ان کی ویزا توسیع کی درخواست کو مسترد کردیا ہے۔
واضح رہے کہ نوازشریف کی برطانیہ میں 6 ماہ قیام کے ویزے کی مدت ختم ہو چکی تھی، جس پر انہوں نے اپنے علاج کے سلسلے میں برطانیہ میں مزید قیام کے لیے ویزا میں توسیع کی درخواست کی تھی۔
ذرائع کا کہنا ہے کہ برطانوی امیگریشن ڈیپارٹمنٹ کی جانب سے درخواست مسترد کیے جانے کے بعد اب نواز شریف کے پاس 2 آپشن ہیں، ایک تو یہ کہ وہ امیگریشن ڈیپارٹمنٹ میں فیصلے پر نظر ثانی کی اپیل کریں اور وہاں سے بھی درخواست مسترد ہونے پر وہ برطانوی عدالتوں سے بھی رابطہ کرسکتے ہیں۔
مزید پڑھیں: محرم الحرام میں حساس علاقوں کی سکیورٹی کیلئے خصوصی اقدامات کئے جائیں گے، شیخ رشید
