گوگل نیوز پر ہمیں فالو کریںنواز شریف نے اپنی سیاسی سرگرمیاں تیز کردیں۔سابق وزیر اعظم کے کوئٹہ کے دورے میں اہم سیاسی پیشرفت کی توقع کی جارہی ہے۔
تفصیلات کے مطابق مسلم لیگ (ن) کے تاحیات قائد نواز شریف آج کوئٹہ کا دورہ کریں گے۔ بلوچستان کے دارالحکومت کوئٹہ میں مسلم لیگ (ن) کے رہنماؤں نے نواز شریف کیلئے استقبالیہ بینرز آویزاں کردئیے۔
سینیٹ عدالتِ عظمیٰ کے مقابلے پر
رقبے کے لحاظ سے ملک کے سب سے بڑے صوبے بلوچستان سے سیاسی رہنما مسلم لیگ (ن) کے قافلے میں شمولیت کیلئے تیار ہوگئے جبکہ نواز شریف کے دورے کے موقعے پر بی اے پی سے سیٹ ایڈجسٹمنٹ کے معاہدے کا بھی امکان ہے۔
مذہبی جماعت جے یو آئی نے فلسطین کیلئے فنڈ ریزنگ کا آغاز مندر سے کردیا
سابق وزیر اعظم شہباز شریف بھی اپنے بھائی نواز شریف کے ہمراہ کوئٹہ کے دورے میں ان کا ساتھ دیں گے جس سے قبل نواز شریف نے جمعیت علمائے اسلام (ف) کے سربراہ مولانا فضل الرحمان سے رابطہ کیا۔
مولانا فضل الرحمان اور نواز شریف کے مابین ملک کی سیاسی صورتحال اور آئندہ عام انتخابات کے معاملات پر تبادلۂ خیال کیا گیا۔ دونوں سیاسی رہنماؤں نے ملکی مسائل حل کرنے کیلئے اپنے عزم کا اظہار کیا۔
طلال چوہدری نے بالکل درست کہا کہ نواز شریف کا مقصد لوگوں کو روزگار دیکر ان کا چولہا جلانا ہے کسی سے بدلا لینا نہیں pic.twitter.com/KspzKgjW0h
— Hina Parvez Butt (@hinaparvezbutt) November 13, 2023
نواز شریف نے رواں برس انتخابات میں حصہ لینے کیلئے اپنا مقصد عوام کو مہنگائی سے نجات دلانا قرار دیا ہے۔ ن لیگی رہنما طلال چوہدری کا کہنا ہے کہ نواز شریف کسی سے بدلہ نہیں لینا چاہتے۔ وہ عوام کو روزگار دینا اور ان کا چولہا جلانا چاہتے ہیں۔
