گوگل نیوز پر ہمیں فالو کریںلاہور ہائی کورٹ میں سابق وزیرِ اعظم میاں نواز شریف کی صاحبزادی مریم نواز کی ضمانت کے خلاف قومی احتساب بیورو (نیب) کی درخواست کی سماعت آج ہوگی۔
تفصیلات کے مطابق قومی احتساب بیورو (نیب) نے لاہور ہائی کورٹ میں ن لیگ کی نائب صدر مریم نواز کی ضمانت منسوخ کرنے کیلئے درخواست دائر کر رکھی ہے۔ لاہور ہائی کورٹ کا 2 رکنی ججز بینچ مریم نواز کے خلاف نیب کے دلائل کی سماعت کرے گا۔
آج سے 2 روز قبل ہائی کورٹ نے مریم نواز کی ضمانت منسوخی کیلئے درخواست کو سماعت کیلئے منظور کیا۔ لاہور ہائی کورٹ نے 15 مارچ کو سماعت کا دن مقرر کیا تھا۔ جسٹس سرفراز ڈوگر اور جسٹس اسجد گرال پر مشتمل 2رکنی بنچ سماعت کرے گا۔
نیب نے عدالت سے استدعا کی تھی کہ درخواست کی سماعت فوری طور پر کی جائے جبکہ مریم نواز چوہدری شوگر ملز کیس میں اپنی ضمانت کا ناجائز فائدہ اٹھاتے ہوئے شوگر ملز کیس سمیت دیگر تحقیقات میں تعاون نہیں کر رہیں۔
یہ بھی پڑھیں: پی ڈی ایم لانگ مارچ حمزہ شہباز اور مریم نواز کے درمیان ہوگا۔شہباز گِل
