مرتضیٰ وہاب کورونا میں مبتلا، خود کو قرنطینہ کر لیا

ایڈمنسٹریٹر کراچی کا کورونا ٹیسٹ کا نتیجہ مثبت آگیا، ترجمان سندھ حکومت بیرسٹر مرتضیٰ وہاب نے خود کو قرنطینہ کر لیا ہے۔

سماجی رابطے کی ویب سائٹ ٹوئٹر پر اپنے پیغام میں ایڈمنسٹریٹر کراچی بیرسٹر مرتضیٰ وہاب نے کہا کہ پیر کے روز سے میرے جسم میں کورونا کی بعض علامات ظاہر ہوئی ہیں۔

یہ بھی پڑھیں:

لیہ میں جلسہ، عمران خان عوام سے خطاب آج کریں گے

ٹوئٹر پیغام میں ترجمان سندھ حکومت بیرسٹر مرتضیٰ وہاب نے کہا کہ کورونا کی علامات ظاہر ہونے کے بعد میں نے وائرس کا ٹیسٹ کرانے اور اپنے آپ کو قرنطینہ کرنے کا فیصلہ کر لیا ہے۔ 

I have developed certain symptoms of Covid since yesterday. Have decided to isolate myself & get tested.

— Murtaza Wahab Siddiqui (@murtazawahab1) July 12, 2022

قبل ازیں جون 2020 میں بھی ایڈمنسٹریٹر کراچی مرتضیٰ وہاب کے کورونا ٹیسٹ کا نتیجہ مثبت آیا تھا۔ ایک روز قبل وزیرِ محنت سندھ سعید غنی کے جسم میں بھی دوسری بار کورونا کی موجودگی کا انکشاف ہوا۔

گزشتہ روز اپنے ٹوئٹر پیغام میں وزیرِ محنت سندھ سعید غنی کا کہنا تھا کہ میں پچھلے کچھ روز سے طبیعت کی ناسازی محسوس کر رہا ہوں۔ 4روز قبل کورونا ٹیسٹ کروایا جس کا نتیجہ مثبت آیا۔

صوبائی وزیر سعید غنی کا کہنا تھا کہ میں نے ڈاکٹر کی ہدایت کے مطابق خود کو قرنطینہ کر لیا ہے۔ وائرس کی معمولی علامات کے علاوہ طبیعت بہتر محسوس کر رہا ہوں۔