پاکستان سپر لیگ 7، ملتان سلطانز کی ٹاس جیت کر لاہور کو بیٹنگ کی دعوت

قذافی اسٹیڈیم لاہور میں ایچ بی ایل پی ایس ایل 7 کے میچز جاری ہیں، ملتان سلطانز نے ٹاس جیت کر لاہور قلندرز کو پہلے بیٹنگ کی دعوت دے دی ہے۔

تفصیلات کے مطابق شاہین آفریدی آج ہونے والے سپر لیگ 7 کے میچ میں لاہور قلندرز جبکہ محمد رضوان ملتان سلطانز کی قیادت کر رہے ہیں۔ملتان کے کپتان نے ٹاس جیت کر پہلے فیلڈنگ کا فیصلہ کیا۔ لاہور قلندرز کی ٹیم پہلے بیٹنگ کیلئے تیار ہوگئی۔

یہ بھی پڑھیں:

محمد حسنین باؤلنگ ایکشن درست کرکے جلد میدان میں واپسی کیلئے عزم

پی ایس ایل 7، ملتان سلطانز نے پشاور زلمی کو 42رنز سے شکست دیدی

ملتان سلطانز کی ٹیم میں شان مسعود، محمدرضوان، صہیب مقصود، ریلی روسو، ٹم ڈیوڈ، خوشدل شاہ، انور علی، عباس آفریدی، عمران طاہر، بلیسنگ مزربانی اور شاہنواز دہانی شامل ہیں۔ سلطانز نے لاہور قلندرز کی ٹیم کو بیٹنگ کی دعوت دی ہے۔

دوسری جانب لاہور قلندرز کی ٹیم میں فخر زمان، عبداللہ شفیق، کامران غلام، محمد حفیظ، فل سالٹ، ہیری بروک، ڈیوڈ ویزے، راشد خان، شاہین آفریدی، حارث رؤف اور زمان خان شامل ہیں۔ قلندرز کی ٹیم بڑا اسکور کرکے سلطانز کیلئے مشکلات پیدا کرسکتی ہے۔ 

خیال رہے کہ اس سے قبل قذافی اسٹیڈیم لاہور میں کھیلے گئے پی ایس ایل 7کے دوسرے مرحلے کے میچ میں ملتان سلطانز نے یکطرفہ مقابلے کے بعد پشاور زلمی کو شکست دیکر ایونٹ میں مسلسل چھٹی بار کامیابی حاصل کرلی، تاحال ملتان سلطان ناقابلِ شکست رہی ہے۔

پشاور زلمی کے کپتان وہاب ریاض نے قذافی اسٹیڈیم لاہور میں کھیلے گئے میچ میں ٹاس جیت کر ملتان سلطانز کو پہلے بیٹنگ کی دعوت دی۔سلطانز نے مقررہ 20 اوورز میں 7 وکٹوں پر 182 رنز بنائے، شان مسعود 49 گیندوں پر 68 رنز بناکر نمایاں رہے۔