گوگل نیوز پر ہمیں فالو کریںایم کیو ایم پاکستان کی رکن سندھ اسمبلی رعنا انصار سندھ اسمبلی کی پہلی خاتون اپوزیشن لیڈر بن گئیں۔
قبل ازیں ایم کیو ایم پاکستان نے رعنا انصار کی بطور اپوزیشن لیڈر سندھ اسمبلی نامزدگی کی منظوری دی تھی۔ اس سلسلے میں ہونے والے اجلاس میں ان کے نام پر اتفاق کیا گیا تھا، ترجمان ایم کیو ایم کا کہنا تھا کہ علی خورشیدی سندھ اسمبلی میں ایم کیوایم کے پارلیمانی لیڈرہوں گے۔ ایم کیوایم رابطہ کمیٹی نے فیصلوں کی منظوری دی تھی۔
دوسری طرف حلیم عادل شیخ نے قائد حزب اختلاف کی تقرری کو عدالت میں چیلنج کرنے کا اعلان کر رکھا ہے، اپنے ویڈیو بیان میں ان کا کہنا تھا کہ نگران سیٹ اپ کیلئے وزیر اعلیٰ سندھ مراد علی شاہ سے مشاورت کےلیے تیار ہیں۔
