گوگل نیوز پر ہمیں فالو کریںرکنِ قومی اسمبلی عامر لیاقت حسین کا آج انتقال ہوگیا جس پر صدرِ مملکت ڈاکٹر عارف علوی، وزیر اعظم شہباز شریف، شریک چیئرمین پی پی پی آصف زرداری اور پی ٹی آئی رہنماؤں سمیت دیگر شخصیات نے افسوس کا اظہار کیا ہے۔
سماجی رابطے کی ویب سائٹ ٹوئٹر پر ایوانِ صدر کی جانب سے کہا گیا کہ صدرِ مملکت ڈاکٹر عارف علوی نے رکنِ قومی اسمبلی عمر لیاقت حسین کی ناگہانی موت پر افسوس کا اظہار کیا ہے۔
ٹوئٹر پیغام میں بتایا گیا کہ صدرِ مملکت نے عامر لیاقت حسین کیلئے مغفرت اور بلندئ درجات کی دعا کی۔ڈاکٹر عارف علوی نے اہلِ خانہ سے ہمدردی کا اظہار کرتے ہوئے صبرِ جمیل کی دعا بھی کی۔
صدر مملکت ڈاکٹر عارف علوی کا ممبر قومی اسمبلی عامر لیاقت حسین کی ناگہانی موت پر اظہار افسوس
صدر مملکت کی مرحوم کیلئے دعائے مغفرت، بلندی درجات کی دعا
صدرمملکت کا مرحوم کے اہل خانہ سے اظہار ہمدردی اور صبر جمیل کی دعا
— The President of Pakistan (@PresOfPakistan) June 9, 2022
وزیر اعظم شہباز شریف نے رکنِ قومی اسمبلی عامر لیاقت حسین کے انتقال پر تعزیت کا اظہار کرتے ہوئے دعا کی کہ اللہ تعالیٰ عامر لیاقت حسین کے درجات بلند اور سوگواران کو صبر جمیل عطا فرمائے۔
شریک چیئرمین پیپلز پارٹی اور سابق صدر آصف زرداری نے رکنِ قومی اسمبلی عامر لیاقت حسین کے انتقال پر تعزیت کا اظہار کرتے ہوئے کہا کہ ان کے انتقال کی خبر انتہائی افسوسناک ہے۔
سوشل میڈیا پر اپنے پیغام میں سابق وزیرِ داخلہ شیخ رشید احمد نے کہا کہ مجھے عامر لیاقت حسین کے انتقال پر گہرا دکھ ہوا ہے۔ اللہ تعالیٰ ان کی مغفرت فرمائے اور لواحقین کو صبرِ جمیل عطا کرے۔
عوامی مسلم لیگ کے سربراہ اور سابق وفاقی وزیر داخلہ شیخ رشید احمد کا عامر لیاقت حسین کے انتقال پر گہرے دکھ اور رنج کا اظہار۔ اللہ تعالیٰ عامر لیاقت حسین کی مغفرت کرے اور لواحقین کو صبر جمیل عطا کرے۔
— Sheikh Rashid Ahmed (@ShkhRasheed) June 9, 2022
پی ٹی آئی رہنما اور سابق وزیرِ مملکت برائے اطلاعات فرخ حبیب نے کہا کہ اللہ تعالیٰ عامر لیاقت حسین کی مغفرت فرمائے۔ آمین۔
انا للہ واناالیہ راجعون
اللہ تعالی عامر لیاقت کی مغفرت فرمائے آمین— Farrukh Habib (@FarrukhHabibISF) June 9, 2022
پاکستان تحریکِ انصاف کے رکنِ سندھ اسمبلی عدیل احمد نے عامر لیاقت حسین کے انتقال پر افسوس کا اظہار کرتے ہوئے کہا کہ سب نے اپنے خالق کی طرف لوٹ جانا ہے۔
رکنِ سندھ اسمبلی عدیل احمد نے کہا کہ اللہ تعالیٰ عامر لیاقت حسین کی مغفرت فرمائے۔ کسی کا دُنیا سے چلے جانا ہمارے لیے ایک یاد دہانی ہے کہ ہم نے بھی ایک دن جانا ہے جو کبھی بھی آسکتا ہے۔
سب نے اپنے خالق کی طرف لوٹ جانا ہے
اللہ پاک عامر لیاقت کی مغفرت فرماۓ
کسی کا دنیا سے چلے جانا ہمارے لئے ایک یاد دہانی ہے کہ ہم نے بھی جانا ہے ایک دن، وہ دن کبھی بھی آسکتا ہے. pic.twitter.com/2LwPuoPbgd
— Adeel Ahmed (@AdeelAhmedSays) June 9, 2022
وفاقی وزیرِ بحری امور فیصل سبزواری نے بھی پی ٹی آئی کے رکنِ قومی اسمبلی عامر لیاقت حسین کے انتقال پر افسوس کا اظہار کیا۔
انا للہ وانا اليہ راجعون https://t.co/6m3lwVobSW
— Faisal Subzwari (@faisalsubzwari) June 9, 2022
سابق گورنر سندھ اور پی ٹی آئی کے سینئر مرکزی رہنما عمران اسماعیل نے کہا کہ عامر لیاقت حسین کے انتقال پر دلی افسوس ہوا۔ ان سے ہمارا اچھا تعلق رہا۔
تحریکِ انصاف کے سینئر رہنما عمران اسماعیل نے کہا کہ عامر لیاقت حسین نے تحریکِ انصاف کے ساتھ اپنے سیاسی سفر میں کردار ادا کیا۔ ان کی بلندئ درجات اور مغفرت کیلئے دعا گو ہوں۔
عامر لیاقت حسین کے انتقال پر دلی افسوس ہوا عامر لیاقت حسین سے اچھا تعلق رہا عامر لیاقت حسین نے تحریک انصاف کے ساتھ اپنے سیاسی سفر میں کردار ادا کیا- ان کی مغفرت اور بلندی درجات کے لیے دعاگو ہیں
— Imran Ismail (@ImranIsmailPTI) June 9, 2022
پی ٹی آئی کے سینیٹر فیصل جاوید خان نے دعا کی کہ اللہ تعالیٰ عامر لیاقت حسین کی مغفرت فرمائے اور ان کے خاندان، عزیز و اقارب اور چاہنے والوں کو صبرِ جمیل عطا فرمائے۔ (آمین)
اللہ تعالیٰ عامر لیاقت کی مغفرت فرمائے اور انکے خاندان اور عزیز و اقارب اور چاہنے والوں کو صبرِ جمیل عطا فرمائے آمین pic.twitter.com/h3kEp3b8Am
— Faisal Javed Khan (@FaisalJavedKhan) June 9, 2022
مشہورومعروف اداکار فیصل قریشی نے کہا کہ خدا حافظ عامر بھائی! یہ بہت بری خبر ہے۔ اللہ تعالیٰ ان کی روح کا ایصالِ ثواب فرمائے۔
https://twitter.com/faysalquraishi/status/1534821974715039744
سینئر پی ٹی آئی رہنما و سابق معاونِ خصوصی برائے بحری امور محمود مولوی نے کہا کہ رکنِ قومی اسمبلی عامر لیاقت حسین کے انتقال کا سن کر دلی افسوس ہوا ہے۔ اللہ تعالیٰ ان کی مغفرت فرمائے اور لواحقین کو صبرِ جمیل عطا فرمائے۔
رکنِ قومی اسمبلی عامر لیاقت حسین کے انتقال کا سن کر دلی افسوس ہوا ہے۔ اللہ تعالیٰ ان کی مغفرت فرمائے اور لواحقین کو صبرِ جمیل عطا فرمائے۔ میری نیک تمنائیں ان کے غم میں مبتلا اہلِ خانہ اور مداحوں کے ساتھ ہیں۔
— Mahmood Moulvi (@MoulviMahmood) June 9, 2022
جنگ گروپ سے تعلق رکھنے والے سینئر صحافی حامد میر اور ٹی وی میزبان وصحافی عاصمہ شیرازی نے بھی عامر لیاقت حسین کے انتقال پر تعزیت کا اظہار کیا ہے۔
اللّٰہ تعالیٰ عامر لیاقت حسین کی مغفرت فرمائے آمین https://t.co/68dmuhkPxG
— Hamid Mir حامد میر (@HamidMirPAK) June 9, 2022
ٹی وی میزبان اقرار الحسن سید نے کہا کہ اللہ تعالیٰ کی ذات عامر لیاقت کی لغزشوں سے درگزر کرتے ہوئے ان کی مغفرت فرمائے۔ اگر کسی کے دل میں کوئی منفی خیال تھا بھی تو اسے نکال دیں۔ سب سے ان کیلئے دعا کی درخواست ہے۔
اللہ کی ذات اُن کی لغزشوں سے درگزر کرتے ہوئے اُن کی مغفرت فرمائے۔ آپ سب سے بھی درخواست کہ اُن کے بارے میں اگر کسی کے دل میں کوئی منفی احساس تھا بھی تو اُسے دل سے نکال دیجئے۔ سب سے درخواست کے اُن کے لئے دُعا کریں۔ آپ سب پر سلامتی ہو۔ pic.twitter.com/catKC7hzlo
— Iqrar ul Hassan Syed (@iqrarulhassan) June 9, 2022
