ٹھٹھہ میں خاتون کی لاش قبر سے نکال کر زیادتی،ملزمان لاش کھیتوں میں پھینک گئے

کراچی: سندھ کے ضلع ٹھٹھہ کے قبرستان میں نامعلوم افراد نے ایک خاتون کی قبر کھود کر لاش کو زیادتی کا نشانہ بنادیا۔

یہ واقعہ 13 اگست کو شہید شاہ عنایت قبرستان میں پیش آیا جہاں ملزمان جنسی زیادتی کے بعد لاش کھیتوں میں پھینکنے کے بعد فرار ہوگئے۔

یہ واقعہ اس وقت منظر عام پر آیا جب کچھ مقامی لوگوں نے خاتون کے اہل خانہ کو فون کیا اور بتایا کہ لاش باہر کے کھیت میں پڑی ہے۔

مزید پڑھیں:نور مقدم قتل کیس میں حقائق چھپانے پرمزید 6 ملزمان گرفتار

خاتون کے ورثاء کا کہنا ہے کہ لڑکی کی لاش کے ساتھ زیادتی ہوئی ۔ علاقہ پولیس نے لاش کو پوسٹ مارٹم کے لیے سول اسپتال مکلی منتقل کر دیا ہے۔

پاکستان میں ایسا واقعہ پہلی بار نہیں ہوا ہے۔ 2011 میں کراچی سے تعلق رکھنے والے ایک شخص محمد ریاض نے 48 سے زائد خواتین کی لاشوں کے ساتھ زیادتی کرکے پورے ملک کو چونکا دیا تھا۔

ملزم کراچی کے نارتھ ناظم آباد ٹاؤن میں قبرستان کا نگراں تھا ،ملزم کواس وقت پکڑا گیا جب علاقے کے رہائشیوں نے قبریں کھدی ہونے کی شکایت کی۔

2013 میں ایک 15 سالہ لڑکی کی لاش گوجرانوالہ میں اس کی قبر کے باہر پڑی ملی تھی اور مبینہ طور پر اس س بھی زیادتی کی گئی تھی۔