گوگل نیوز پر ہمیں فالو کریںاداکارہ مہوش حیات نے سوشل میڈیا پر ساتھی اداکاروں کی جانب سے ساحر لودھی کی نقل اتارنے والی وائرل ویڈیوز پر ناراضی کا اظہار کیا ہے۔
میزبان و اداکار ساحر لودھی کی کچھ ویڈیوز ان دنوں سوشل میڈیا پر گردش کر رہی ہیں جو ان کے انسٹاگرام اکاؤنٹ پر موجود ہیں۔
View this post on Instagram
ویڈیوز بھارتی پاپارازی کے اسٹائل میں بنائی گئی ہیں جیسے کہ ساحر کو معلوم نہیں کہ کوئی ان کی ویڈیو بنانے آ رہا ہے جبکہ کیمرہ مین بھی ان کا اپنا ہے اور یہ ویڈیوز بھی ان ہی کے پیج پر شیئر کی جارہی ہیں۔
View this post on Instagram
سوشل میڈیا صارفین کو میزبان کی ان ویڈیوز پر دلچسپ تبصرے کرتے ہی ہیں لیکن اب ساتھی اداکاروں نے بھی اسی طرز کی ویڈیوز بنائی ہیں جن میں ہدایتکار و اداکار یاسر نواز، فیصل قریشی اور اعجاز اسلم شامل ہیں۔
نقالی کی ویڈیوز
ویڈیوز کی نقالی کا سلسلہ یاسر نواز نے شروع کیا تھا جس کے بعد دیگر فنکاروں نے بھی ساحر لودھی کے انداز کی نقل کرتے ہوئے ویڈیوز بنانا شروع کردیں۔
اسی پر اداکارہ مہوش حیات نے تبصرہ کیا اور ان ویڈیوز پر ناپسندیدگی کا اظہار کیا۔
مہوش حیات کا ردعمل
انہوں نے انسٹاگرام پر لکھا کہ ساحر لودھی نے اس انڈسٹری میں اپنی ایک منفرد جگہ بنائی ہے اور وہ اب تک اس مقام پر قائم ہیں، جو کہ قابلِ احترام ہے اور یہ بالکل آسان نہیں ہے۔
فوٹو: اسکرین شاٹ
مہوش حیات کے مطابق آپ کسی کے انداز کو ناپسند کر سکتے ہیں لیکن اس انسان کی بنیادی عزت ہمیشہ برقرار رہنی چاہیے، ساتھ ہی انہوں نے سب کو نرمی برتنے اور شائستگی اختیار کرنے کا مشورہ بھی دیا۔
اداکارہ نے لکھا یہ انتہائی نامناسب اور ناجائز ہے کہ آپ کسی کا مذاق اڑائیں، لوگ بھول گئے ہیں کہ ساحر بھی ایک انسان ہیں اور ان کے بھی جذبات اور احساسات ہیں جیسے کہ ہم سب کے ہیں۔
