مطالبات منظور ورنہ خودکشی، اداکار میرا نے نیا ہنگامہ کھڑا کردیا

کراچی:اداکارہ میرا نے انصاف نہ ملنے پر خودکشی کی دھمکی دیتے ہوئے کہا ہے کہ اگر ایسا ہوا تو میری موت کے ذمہ دار پاکستان کے وزیراعظم عمران خان اور ان کی ریاست مدینہ ہوگی۔

برسوں سے ملک اور قوم کی خدمت کرنے والی اداکارہ میرا کو آج ریاست کی مدد کی ضرورت ہے لیکن شاید صاحب اختیار لوگ عمر شریف کی طرح کروڑوں روپے کی امداد لے کر اس وقت میرے پاس آئیں گے جب میں وھیل چیئرپر پہنچ جاؤں گی۔

آج اداکارہ میرا ایک تنہا عورت کے طور پر ریاست کی ذمہ داری ہے لیکن حکومت نہ مجھے فلم انڈسٹری کے حوالے سے کوئی جواب دیتی ہے نہ مجھے فلم بنانے کے لئے فنڈ فراہم کیے جا رہے ہیں۔

دس سال سے مجھے ایک بے بنیاد مقدمے پر عدالتوں کے چکر لگوائے جارہے ہیں اور بحیثیت عورت مجھے پاکستان میں شادی کی اجازت نہیں مل رہی، کہہ رہے ہیں کہ آپ پاکستان چھوڑ کر باہر چلی جائیں لیکن میں تو اپنی مرضی سے بھارت اور دبئی کو چھوڑ کر پاکستان میں رہ رہی ہو ں ۔گزشتہ ایک ڈیڑھ برس سے انتہائی کرب سے گزر رہی ہوں۔

مزید پڑھیں:پاوری گرل،دنا نیرکی گانا گاتے ہوئے نئی ویڈیو وائرل

اداکارہ میرا نے کہا کہ عمر شریف کے انتقال سے پاکستان کی شوبز انڈسٹری کو ناقابل تلافی نقصان پہنچا ہے ،عمر شریف کا خلا پر نہیں کیا جا سکتا۔ ہمارے ملک میں بدقسمتی سے اداکاروں اور قومی ہیروز کی زندگی میں قدر نہیں کی جاتی ۔آج میں ایک زندہ مثال ہوں بار بار وزیراعظم عمران خان اور دیگر با اختیار لوگوں سے کہہ چکی ہوں کہ مجھے فلم بنانے کے لیے فنڈز درکار ہیں ۔

حکومت اور ریاست میری مدد نہیں کر رہے ،میں کہاں جاؤں کس کے پاس جاؤ ں ۔دو سال سے وزیراعظم عمران خان کے جواب کا انتظار کر رہی ہوں ان کی حکومت بھی میری کوئی مدد نہیں کر رہی ہے ۔کیا میرا قصور یہ ہے کہ میں لیٹ نائٹ ڈانس پارٹیوں میں نہیں جاتی ۔شراب نہیں پیتی۔ کوکین اور ڈرگز کا نشہ نہیں کرتی ۔

میرا نے کہا کہ ایکٹنگ میری جاب ہے، دنیا بھر میں اداکاروں کو سپورٹ کیا جاتا ہے انہیں پروجیکٹس بنانے کے لیے فنڈز فراہم کیے جاتے ہیں ،ہمارے ملک میں بھی اداکاروں کو فلم بنانے کے فنڈز فراہم کرنے چاہئیں ۔