اداکارہ منشا پاشا نئے ڈرامہ سیریل کوئل میں منفی کردار ادا کریں گی

پاکستانی شوبز انڈسٹری کی معروف اداکارہ منشا پاشا فہد شیخ کے ہمراہ نئے ڈرامہ سیریل کوئل میں جلوہ گر ہو کر منفی کردار نبھاتی نظر آئیں گی۔

تفصیلات کے مطابق ڈرامہ سیریل کوئل آج انٹرٹینمنٹ پر پیش کیا جائے گا جو بطور ڈائریکٹر اداکار و ٹی وی میزبان یاسر حسین کا پہلا ڈرامہ ہوگا۔ منشاپاشا اور فہد کے علاوہ ڈرامے میں نور الحسن، ماہم عامر، ہما میر اور فریحہ جبین بھی شامل ہیں۔

نئے ٹی وی سیریل کوئل میں سجیل میر، کائنات کاظمی، عمیرہ عالم، یاسر تاج، نذر حسین اور دیگر اداکار بھی مختلف کرداروں میں جلوہ گر ہوں گے۔ ڈرامے کے ٹیزرز سے پتہ چلتا ہے کہ منشا پاشا کا کویل میں کردار منفی ہوگا۔

یہ بھی پڑھیں:

علی گل پیر اور منشا پاشا نے میٹ گالا کاسٹیومز کی یادیں تازہ کردیں

منشا پاشا کا بیماری سے صحتیاب ہونے پر مسرت کا اظہار

بنیادی طور پر کویل ایک گود لیے گئے بچے کی زندگی کے مختلف پہلوؤں سے پردہ اٹھاتا ہے۔ حالات معصوم بچے کو احساسِ کمتری میں مبتلا کر بدنیت شخصیت بنا دیتے ہیں۔ آج انٹرٹینمنٹ کا دعویٰ ہے کہ ڈرامہ سیریل کویل ناظرین کو نئے احساس سے روشناس کرائے گا۔

خیال رہے کہ اس سے قبل اداکارہ منشا پاشا اور پاکستانی گلوکار اور کامیڈین عل گل پیر  نے میٹ گالا سے ملتے جلتے لباس پہن کر ہالی ووڈ کے اداکاروں اور فنکاروں کے ایونٹ میں پہنے گئے کاسٹیومز کی یادیں تازہ کردیں جس پر کافی تنقید بھی ہوئی۔ 

 امریکی ریپر ایسپ راکی اور گلوکارہ ریحانہ نے میٹ گالا کی تقریب میں رنگ برنگے اور سیاہ لباس پہن کر چار چاند لگائے۔ گزشتہ ماہ علی گل پیر نے سندھی ثقافت کی علامت رلی پہن کر جبکہ منشا پاشا نے سیاہ گاؤن پہن کر میٹ گالا کی یاد تازہ کی۔