گوگل نیوز پر ہمیں فالو کریںبھارتی ائیر لائن انڈیگو کی پرواز میں دوران سفر مسافر نے ایمرجنسی گیٹ کھول دیا اور جہاز سے چھلانگ لگانے کی کوشش کی، جسے عملے نے ناکام بنادیا۔
بین الاقوامی خبر رساں ادارے کی رپورٹ کے مطابق یہ واقعہ جمعرات کے روز مہاراجہ بیر بکرم ائیرپورٹ سے انڈیگو کی اندرون ملک جانے والی پرواز میں پیش آیا جہاں جہاز مسافروں کو لیے شہر گوہاٹی سے اگرتلہ جا رہا تھا۔
اطلاعات کے مطابق جب جہاز رن وے سے 15 میل کی اونچائی پر پہنچا تو 41 سالہ بسواجیت ڈیبتھ نے ایمرجنسی دروازہ کھول کرنیچے کودنے کی کوشش کی۔
پولیس ذرائع کا اس حوالے سے کہنا ہے کہ مسافر ذہنی تناؤ کا شکار تھا اور اس نے ناصرف دوران پرواز ایمرجنسی کا دروازہ کھولنے کی کوشش کی بلکہ روکنے پر جہاز کے عملے سے لڑنا جھگڑنا شروع کردیا۔
ائیرپورٹ انتظامیہ نے مسافر کو اگرتلہ پہنچتے ہی پولیس حکام کے سپرد کردیا، پولیس نے مسافر کو دیگر افراد کی زندگیوں کو خطرے میں ڈالنے کے جرم میں حراست میں لے لیا۔
مزید پڑھیں:میکسیکو کی سرحد: دنیا کا سب سے خطرناک زمینی نقل مکانی کا راستہ، تصویری جھلکیاں
دوران تفتیش ملزم نے اپنے جرم کا اعتراف بھی کر لیا جبکہ ملزم کو عدالت کے سامنے بھی پیش کیا جائے گا اور قانون کے مطابق سزا دی جائے گی۔
