گوگل نیوز پر ہمیں فالو کریںبالی ووڈ اداکارہ، رقاصہ، ماڈل، وی جے اور ٹیلیویژن پرسنالٹی ملائیکہ اروڑا نے بوائے فرینڈ ارجن کپور سے قطع تعلق کی افواہوں پر خاموشی توڑ دی اور ان خبروں کو جھوٹا قرار دے دیا۔
بھارتی میڈیا سے گفتگو کرتے ہوئے بالی ووڈ میں آئٹم سونگز کی وجہ سے مشہور ملائیکہ کے منیجر نے ان کی جانب سے بتایا کہ دونوں میں راہ و رسم بالکل پہلے جیسے اور ملاقاتیں بھی جاری ہیں۔ انھوں نے ان دعوؤں کو غلط قرار دیا جس میں دونوں کے بریک اپ کا بتایا گیا تھا۔
واضح رہے کہ 50 سالہ ملائیکہ اور 38 سالہ ارجن کپور کے درمیان 2019 سے رومانی تعلقات قائم ہیں اور ان کے بریک اپ کی افواہیں اس سے قبل بھی بھارتی میڈیا میں رپورٹ ہو چکی ہیں۔
جبکہ گزشتہ برس بھی یہ افواہیں شہ سرخی بنی تھیں اور کہا گیا تھا کہ ارجن نے کوشا کپیلا کے ساتھ ڈیٹنگ شروع کر دی ہے، تاہم کوشا کپیلا نے اسکی تردید کی تھی۔
ملائیکہ کے سابق شوہر اور بالی ووڈ سپر اسٹار سلمان خان کے چھوٹے بھائی ارباز نے ملائیکہ سے مئی 2017 میں طلاق کے بعد گزشتہ برس دسمبر میں دوسری شادی کرلی ہے۔
