گوگل نیوز پر ہمیں فالو کریںڈونلڈ ٹرمپ کے بیان پر ردِ عمل کا اظہا رکرتے ہوئے استحکام پاکستان پارٹی سندھ کے صدر محمود مولوی کا کہنا ہے کہ سابق امریکی صدر نے عمران خان کا اصل چہرہ پوری دنیا کو دکھا دیا۔
سماجی رابطے کی ویب سائٹ ٹوئٹر پر اپنے پیغام میں صدر آئی پی پی سندھ محمود مولوی نے کہا کہ ایک طرف مسلمان ہمسائے ایران سے دوستی کے دعوے اور دوسری طرف ایران کے جنرل قاسم سلیمانی کی شہادت پر خوشی کا اظہار، یہ امریکا نوازی کی بدترین مثال ہے۔
ایک طرف مسلمان ہمسائے ایران سے دوستی کے دعوے اور دوسری طرف ایران کے جنرل قاسم سلیمانی کی شہادت پر خوشی کا اظہار، یہ امریکا نوازی کی بدترین مثال ہے۔ میں پہلے ہی کہہ چکا تھا کہ سائفر جھوٹ ہے اور عوام کو بہکانے کیلئے حقیقی آزادی کا نعرہ لگایا جارہا ہے۔ ڈونلڈ ٹرمپ نے عمران خان کا اصل…
— Mahmood Moulvi (@MoulviMahmood) November 8, 2023
ٹوئٹر پیغام میں استحکام پاکستان پارٹی سندھ کے صدر نے کہا کہ میں پہلے ہی کہہ چکا تھا کہ سائفر جھوٹ ہے اور عوام کو بہکانے کیلئے حقیقی آزادی کا نعرہ لگایا جارہا ہے۔ ڈونلڈ ٹرمپ نے عمران خان کا اصل چہرہ پوری دنیا کو دکھادیا ہے۔
صدر آئی پی پی سندھ محمود مولوی نے کہا کہ عمران خان ٹرمپ اور امریکہ کے حامی تھے، پھر بھی انہوں نے اپنے سیاسی فائدے کیلئے پوری قوم کو دھوکہ دیا اور پاکستان کی سفارتی تباہی کا باعث بنے۔کیا چیئرمین پی ٹی آئی ڈونلڈ ٹرمپ کے الزامات کے خلاف کوئی ایکشن لیں گے؟
خیال رہے کہ اس سے قبل امریکی صدر ڈونلڈ ٹرمپ نے کہا کہ عمران خان نے ایرانی جنرل قاسم سلیمانی کی شہادت پر خوشی کا اظہار کیا جبکہ ایرانی جنرل کو 3 جنوری 2020 کے روز امریکا نے ڈرون حملے میں بغداد انٹرنیشنل ائیرپورٹ پر شہید کردیا تھا۔
