گوگل نیوز پر ہمیں فالو کریںلندن : ارجنٹائن کے اسٹار فٹ بالر لیونل میسی کے والد نے سعودی عرب کے الہلال کلب سے معاہدے کی افواہوں کی تردید کردی ہے۔
لیونل میسی کے سعودی عرب کے الہلال کلب سے معاہدے کی بڑھتی ہوئی افواہوں کے بعد اُن کے والد نے ایک بیان جاری کیا، جس میں انہوں نے الہلال کلب سے معاہدے کی افواہوں کی تردید کرتے ہوئے کہا کہ میسی نے اگلے سیزن میں سعودی عرب میں کھیلنے کے معاہدے پر دستخط کیے ہیں اور نہ ہی اس پر رضامندی ظاہر کی ہے۔
لیونل میسی کے والد جارج کے مطابق اگلے سال کے لیے کسی بھی کلب کے ساتھ ابھی کچھ طے نہیں ہوا ہے، میسی کے پی ایس جی کے ساتھ لیگ سیزن ختم کرنے سے پہلے یہ فیصلہ کبھی نہیں کیا جائے گا۔
قبل ازیں برطانوی میڈیا کی ایک رپورٹ میں دعویٰ کیا گیا تھا کہ ارجنٹائن کے اسٹار فٹبالر لیونل میسی نے سعودی عرب کے الہلال کلب کے ساتھ معاہدے پر رضامندی ظاہر کردی ہے۔
غیرملکی میڈیا کے مطابق گزشتہ ہفتے یہ افواہیں بھی سامنے آئی تھیں کہ لیونل میسی کو الہلال کلب کی طرف سے اب تک کی سب سے مہنگی پیش کش کی گئی ہے جو کہ تقریباً 40 کروڑ ڈالر سالانہ ہے۔
سابق پاکستانی کرکٹرز کی جانب سے عمران خان کی گرفتاری کی شدید مذمت
برطانوی اخبار کے مطابق میسی اس وقت فرانس کے کلب پیرس سینٹ جرمین (پی ایس جی) کے لیے کھیل رہے ہیں، پیرس سینٹ جرمین کلب (پی ایس جی) کی طرف سے کھیلنے والے میسی کے مستقبل کے بارے میں حالیہ دنوں میں کافی قیاس آرائیاں کی گئی ہیں کیونکہ فرانس کی لیگ ون ٹیم نے انھیں سعودی عرب کا غیرمجازدورہ کرنے اور اس کے دوران میں تربیتی سیشن میں عدم شرکت کی وجہ سے معطل کردیا تھا۔
جس کے بعد میسی نے گزشتہ ہفتے پی ایس جی اور اپنی ٹیم کے ساتھیوں سے معذرت کی تھی اور وہ تربیتی سیشن میں واپس آگئے تھے۔
واضح رہے کہ 2021 میں میسی نے پی ایس جی کے ساتھ 2 سال کا معاہدہ کیا تھا جو رواں برس ختم ہوجائے گا۔
