گوگل نیوز پر ہمیں فالو کریںکراچی: پاکستان بھر میں بدھ کے روز سونے کی قیمتوں میں معمولی کمی ریکارڈ کی گئی جو آج سہ پہر تک برقرار رہے گی۔
آل پاکستان صرافہ جیمز اینڈ جیولرز ایسوسی ایشن کے مطابق بدھ 2 جولائی 2025 کو 24 قیراط فی تولہ سونے کی قیمت 600 روپے کمی کے بعد 3 لاکھ 56 ہزار 200 روپے مقرر کی گئی جو گزشتہ روز 3 لاکھ 56 ہزار 800 روپے تھی۔
اسی طرح 24 قیراط 10 گرام سونا 514 روپے کمی کے بعد 3 لاکھ 5 ہزار 384 روپے میں فروخت ہوا جبکہ 22 قیراط 10 گرام سونے کی قیمت 471 روپے کمی سے 2 لاکھ 79 ہزار 945 روپے رہی۔
یہ نرخ آج سہ پہر 3 بجے تک مؤثر رہیں گے جس کے بعد اگلے 24 گھنٹوں کے لیے نئی قیمتوں کا اعلان کیا جائے گا۔ سونے کی قیمتیں کراچی، لاہور، اسلام آباد، ملتان اور پشاور میں یکساں ریکارڈ کی گئیں۔
چاندی کی قیمتوں میں بھی کمی دیکھی گئی۔ فی تولہ چاندی 18 روپے کی کمی کے ساتھ 3 ہزار 816 روپے میں دستیاب رہی جبکہ 10 گرام چاندی 16 روپے کی کمی کے بعد 3 ہزار 271 روپے میں فروخت ہوئی۔
عالمی منڈی میں بھی سونے کی قیمت میں 6 ڈالر کمی ہوئی جس کے بعد فی اونس سونا 3 ہزار 342 ڈالر میں فروخت ہوا جبکہ چاندی کی قیمت 18 سینٹ کم ہو کر 36.32 ڈالر فی اونس رہی۔
یہ معمولی کمی سرمایہ کاروں کے لیے وقتی ریلیف ضرور ہے تاہم بین الاقوامی معاشی حالات اور ڈالر کی قیمت میں اتار چڑھاؤ مستقبل میں سونے کی قیمتوں پر اثر انداز ہو سکتے ہیں۔
سونے کے تاجروں کے مطابق اگر موجودہ رجحان برقرار رہا تو اگلے چند روز میں مزید کمی یا استحکام متوقع ہے۔
