گوگل نیوز پر ہمیں فالو کریںپاکستان کے معروف اداکار وہاج علی سے متعلق اس قسم کی قیاس آرائیاں زیر گردش ہیں کہ وہ بہت جلد بالی ووڈ میں نظر آئینگے۔
یہ سب اس وقت شروع ہوا جب معروف بھارتی ہدایتکار کرن جوہر نے وہاج علی کی انسٹاگرام پوسٹ کو لائیک کیا، جس نے سوشل میڈیا پر ایک کھلبلی مچادی۔
سوشل میڈیا صارفین کو ایسا لگتا ہے کہ کرن جوہر اپنے نئے پراجیکٹ میں وہاج علی کو کاسٹ کرنا چاہتے ہیں اسی لئے انہوں نے اداکار کی تصویر کو لائیک کیا۔ اس سے قبل بھی کرن جوہر کئی پاکستانی اداکاروں کو اپنی فلموں میں کاسٹ کرچکے ہیں۔
کرن جوہر کا شمار بھارت کے معروف ہدایتکاروں میں ہوتا ہے جن کی کامیاب فلموں میں دل والے دلہنیا لے جائینگے، کچھ کچھ ہوتا ہے، اے دل ہے مشکل اور دیگر کئی فلمیں شامل ہیں۔
اس کے علاوہ وہاج علی نے صرف ایک ہی سال میں دو سپر ہٹ ڈراموں ‘تیرے بن’ اور ‘مجھے پیار ہوا تھا’ میں اپنی شاندار اداکاری سے ٹیلی ویژن پر تمام ریکارڈ توڑڈالے ہیں، اُن کے یہ ڈرامے صرف پاکستان میں ہی مقبول نہیں ہورہے بلکہ پڑوسی ممالک میں بھی انھیں بہت شوق سے دیکھا جارہا ہے۔
