گوگل نیوز پر ہمیں فالو کریںکراچی: چنیسر ہالٹ پر رائٹ آف وے ٹریک اراضی پر کراچی ریلوے، ضلعی حکومت اور رینجرز کا مشترکہ انسداد تجاوزات آپریشن دوسرے روز بھی جاری رہا، تاہم دوسرے دن زمین واگزار کروانے میں کسی مزاحمت کا سامنا نہیں کیا گیا۔ پہلے دن کے کامیاب آپریشن کے بعد کافی لوگ دوسرے دن آپریشن سے قبل ہی اپنا قبضہ چھوڑ کر چلے گئے۔
دوسرے دن ڈائریکٹر پراپرٹی اینڈ لینڈ پاکستان ریلوے امیر محمد داؤد پوتہ اور اسسٹنٹ کمشنر فیروزآباد نے سائٹ پر موجود رہ کر اپنی زیر نگرانی آپریشن کروایا۔ 4 بھاری مشینوں کی مدد سے 40 رہائشی گھر مکمل مسمار کیئے گئے ہیں جو کہ مجموعی طور پر 18,000 مربہ فٹ اراضی پر پھیلے ہوئے تھے۔
ڈویژنل سپرنٹنڈنٹ کراچی ریلوے محمد حنیف گل نے دوسرے دن کے کامیاب آپریشن کو انتہائی اہم قرار دیا اور کہا کہ اس آپریشن سے کراچی ڈویژن میں مزید ایسے آپریشن کرنے کی بنیاد ڈالی گئی ہے۔
یہ بھی پڑھیں : سندھ میں کورونا سے مزید 3 افراد جاں بحق، 511 نئے کیسز رپورٹ
