گوگل نیوز پر ہمیں فالو کریںکراچی پولیس کی شہر میں جرائم کی روک تھام کے لیے اسٹریٹ کرمنلز منشیات فروشوں اور مفرور ملزمان کیخلاف کامیاب کارروائیاں۔ پولیس نے گزشتہ ہفتے کراچی کے ایسٹ، ویسٹ اور ساوتھ ذونز میں چھاپوں کے دوران مجموعی طور پر 834 سے زائد ملزمان کو گرفتار کیا۔
تفصیلات کے مطابق پولیس نے مختلف علاقوں میں منشیات کیخلاف مہم کے دوران کروڑوں روپے مالیت کی 153 کلو 149 گرام چرس، 01 کلو 565 گرام آئس اور کرسٹل، 5 کلو 314 گرام ہیروئن اور 518 گرام افیون برآمد کی ہے۔
پولیس کے مطابق گرفتار اسٹریٹ کرمنلز سے شہریوں سے لوٹ مار اور دیگر وارداتوں میں استعمال شدہ 137 سے زائد مختلف اقسام کا غیر قانونی اسلحہ بمعہ ایمونیشن اور 6 دستی بم تحویل میں لے لیے گئے۔
شہر میں انسداد جرائم کے دوران ملزمان سے پولیس کے 9 مقابلہ ہوئے، فائرنگ کے تبادلے میں 1 ڈاکو ہلاک جبکہ 12 ملزمان کو زخمی حالت میں گرفتار کیا گیا، گرفتار ملزمان سے 2 مسروقہ موٹر سائیکلیں اور 13 پستول بمعہ میگزین برآمد ہوئے جسے فارنزک کیلئے روانہ کر دیا گیا ہے۔
اینٹی وہیکل لفٹنگ سیل نے مختلف کارروائیوں میں 9 کار لفٹرز کو گرفتار کر کے 6 چوری شدہ گاڑیاں تحویل میں لے لیں۔ کراچی پولیس نے مختلف علاقوں میں کارروائیاں کرتے ہوئے مجموعی طور پر 39 چھینی و چوری شدہ موٹرسائیکلیں اور 06 گاڑیاں تحویل میں لے لی۔
اسپیشل انویسٹیگیشن یونٹ کراچی نے سنگین جرائم میں ملوث 10 ملزمان کو گرفتار کر کے 8 پستول اور 1 کلو چرس تحویل میں لے لی۔ کراچی پولیس کی جانب سے جرائم کے خاتمے، امن وامان کی بحالی اور عوام کے تحفظ کےلیے کئے جانے والے اقدامات جاری رہینگے۔
یہ بھی پڑھیں: بھارتی میڈیا نے افغان سفیر کی بیٹی کے اغواء کو بہت زیادہ اچھالاہے، شیخ رشید
