گوگل نیوز پر ہمیں فالو کریںمریم نواز کے بیٹے جنید صفدر کی سابق اہلیہ عائشہ خان کا طلاق کے بعد پہلا بیان سامنے آگیا۔
جنید صفدر کی سابق اہلیہ عائشہ خان نے سوشل میڈیا پر طلاق کے بعد اپنے پہلے بیان میں مریم نواز پر طنز کرتے ہوئے کہا کہ پرائیوسی بنیادی انسانی حق ہے لیکن شاید میری سابقہ ساس کو اس کا علم نہیں ہے۔
انہوں نے کہا کہ میں موجودہ صورتحال میں کچھ باتیں واضح کرنا چاہتی ہوں۔ یہ درست ہے کہ زندگی میں دولت اور آسائشیں اہم کردار ادا کرتی ہیں، تاہم ’سکون‘ سب سے اہم ہوتا ہے۔
عائشہ خان کا مزید کہنا تھا کہ میرے شوہر کی جانب سے مجھے کبھی بھی وہ سکون اور محبت نہیں ملی جس کی ایک بیوی اپنے شوہر سے توقع کرتی ہے۔ میں اپنی طلاق سے خوش ہوں اور براہ مہربانی مجھے اس سلسلے میں جاری بحث سے دور رکھیں کیونکہ میرے لیے میری پرائیوسی بہت اہمیت رکھتی ہے۔
عائشہ خان کی جانب سے اپنی پوسٹ میں سابقہ ساس پر براہ راست طنز پر صارفین حیرت زدہ ہو کر پوچھ رہے ہیں کہ کیا مریم نواز جیسی دولت مند شخصیت اور سیاستدان بھی اپنی بہو کے ساتھ پاکستانی معاشرے کی روایتی ساس کی طرح رویہ رکھنے کی عادی ہیں؟
