گوگل نیوز پر ہمیں فالو کریںڈرہم کرکٹ کلب نے نیوزی لینڈ کے تجربہ کار آل راؤنڈر جمی نیشم سے رواں سیزن کے ٹی ٹوئنٹی بلاسٹ ٹورنامنٹ کے لیے معاہدہ کر لیا ہے۔
نیوزی لینڈ کے 34 سالہ نیشم بائیں ہاتھ سے بیٹنگ کرتے ہیں اور دائیں ہاتھ سے میڈیم فاسٹ باؤلنگ بھی کرتے ہیں۔ وہ نیوزی لینڈ کی جانب سے 83 ٹی ٹوئنٹی انٹرنیشنل اور 76 ایک روزہ بین الاقوامی میچز کھیل چکے ہیں۔
یہ نیشم کا انگلینڈ میں کسی کاؤنٹی ٹیم کے ساتھ چھٹا معاہدہ ہوگا۔ اس سے قبل وہ ڈربی شائر، ایسکس، کینٹ، لیسٹر شائر، نارتھمپٹن شائر اور “دی ہنڈرڈ” میں ویلز فائر کی نمائندگی کر چکے ہیں۔
نیشم دنیا بھر کی مختلف ٹی ٹوئنٹی لیگز میں کھیل چکے ہیں، جن میں بھارت، پاکستان، جنوبی افریقہ اور ویسٹ انڈیز کی لیگز شامل ہیں۔
ڈرہم کے ڈائریکٹر آف کرکٹ مارکس نارتھ کا کہنا ہے کہ “جمی نیشم کی صلاحیت کہ وہ بیٹ یا بال کے ذریعے کسی بھی وقت میچ کا پانسہ پلٹ سکتے ہیں، ہمیں ایک تجربہ کار اور قابل اعتماد میچ ونر فراہم کرتی ہے۔”
یاد رہے کہ ڈرہم کی ٹیم 2024 میں چھ سال بعد ٹی ٹوئنٹی بلاسٹ کے کوارٹر فائنل تک پہنچی تھی جو ٹیم کے لیے ایک اہم سنگ میل تھا۔
