ابو ظہبی: اسلام آباد یونائیٹڈ کی جانب سے بنائے گئے 232رنز کے آگے پشاور زلمی بے بس ہوگئی، دلچسپ مقابلے کے بعد 15رنز شکست کا سامنا کرنا پڑا۔
پاکستان سپر لیگ کے چھٹے ایڈیشن کے میچ میں ابوظہبی میں جاری اسلام آباد یونائیٹڈ نے پہلے کھیلتے ہوئے پی ایس ایل کی تاریخ کا سب سے بڑا ٹوٹل 247 رنز بنادیا جس کے جواب میں پشاور زلمی نے 6 وکٹ کے نقصان پر 232 رنز بنائے۔
پشاور زلمی کی جانب سے حضرت اللہ زازئی پہلی ہی گیند پر کھاتہ کھولے آؤٹ ہوگئے، امام الحق بھی صرف 7 رنز بنائے ،تاہم کامران اکمل نے جارحانہ بیٹنگ کرتے ہوئے نصف سنچری بنائی وہ 32 گیندوں پر 53 رنز بناکر آؤٹ ہوئے۔
شعیب ملک نے نصف سنچری اسکور کی وہ 36 گیندوں پر 68 رنز کی جارحانہ اننگز کھیل کر آؤٹ ہوئے جس میں 3 چھکے اور 6 چوکے شامل تھے۔ رومن پاول 14 اور شیرفن رتھرفورڈ 8 گیندوں پر 29 رنز کی جارحانہ اننگز کھیلنے کے بعد آؤٹ ہوئے۔
عمید آصف 20 اور وہاب ریاض 28 رنز پر ناٹ آؤٹ رہے۔ اسلام آباد کی جانب سے عاقف جاوید نے 3، حسین طلعت نے 2 اور ایک وکٹ حسن علی نے حاصل کی۔
اس سے قبل پشاور زلمی کے کپتان وہاب ریاض نے ٹاس جیت کر پہلے فیلڈنگ کرنے کا فیصلہ کیا۔ اسلام آباد یونائیٹڈ کی جانب سے عثمان خواجہ اور کولن منرو نے ٹیم کو 98 رنز کا جارحانہ آغاز فراہم کیا، منرو 47 رنز کی اننگز کھیل کر آؤٹ ہوئے۔
بلے باز آصف علی نے بھی جارحانہ کھیلتے ہوئے 43 رنز کی اننگز کھیلی جس میں 5 چھکے اور 2 چوکے شامل تھے جب کہ عثمان خواجہ نے پی ایس ایل میں اپنی پہلی سنچری اسکور کی وہ 56 گیندوں پر 105 رنز بناکر ناٹ آؤٹ رہے جب کہ برینڈن کنگ نے 22 گیندوں پر 46 رنز بنائے۔پورا میچ کے دوران دلچسپ صورتحال کا سامنا رہا۔
گوگل نیوز پر ہمیں فالو کریں
