گوگل نیوز پر ہمیں فالو کریںآئی سی سی ورلڈکپ میں بھارت کے ہاتھوں پاکستان کی بدترین شکست پر سابق بھارتی فاسٹ بولر ایس سری سانتھ نے دعویٰ کیا ہے کہ بھارت کی سی ٹیم بھی میگا ایونٹ میں پاکستان ٹیم کو ہرا سکتی ہے۔
بھارتی میڈیا کو دیے گئے انٹرویو میں سابق بھارتی فاسٹ بولر ایس سری سانتھ نے کہا کہ پاکستانی ٹیم بھارت کو اتنے بڑے اسٹیڈیم میں کھیلنے کا خواب بھی نہیں دیکھ سکتی، ہم نے انہیں ایک موقع دیا لیکن اگر آپ اس طرح کھیلتے ہیں، تو آپ کو دوبارہ ایسے موقع نہیں ملے گا۔
قبل ازیں بھارت سے شکست کے بعد قومی ٹیم کے ڈائریکٹر مکی آرتھر نے بیان دیا تھا کہ پاکستان کم بیک کرے گا اور ایونٹ کے فائنل میں بھارت کو شکست دے گا، جس پر سری سانتھ نے مکی آرتھر کو آڑے ہاتھوں لیتے ہوئے کہا کہ مجھے نہیں لگتا کہ پاکستان کی موجودہ پلئینگ الیون کبھی بھی آئی سی سی ٹرافی یا کسی اور ایونٹ میں بھارت کو ہرا سکتی ہے۔
بھارت کیخلاف شکست کے بعد سارو گنگولی نے پاکستانی ٹیم کے بارے میں کیا کہا؟
انہوں نے دعویٰ کیا کہ بھارت کی سی ٹیم بھی پاکستان کی موجودہ پلئینگ الیون کو شکست دینے کی اہلیت رکھتی ہے۔
واضح رہے کہ آئی سی سی ورلڈکپ میں بھارت نے پاکستان مسلسل آٹھویں بار شکست سے دوچار کیا تھا۔
قبل ازیں سابق بھارتی کپتان سارو گنگولی کا کہنا تھا کہ آئی سی سی ورلڈکپ میں بھارت کے بدترین ہار کے بعد میگا ایونٹ میں پاکستان کا کم بیک کرنا مشکل ہے کیونکہ گرین شرٹس کی موجودہ پلئینگ الیون میں جذبے کی کمی نظر آتی ہے۔
