بھارتی اداکارہ کترینہ کیف نے کورونا کا ٹیسٹ کرا لیا، وڈیو وائرل

ممبئی:بالی وڈ کی مشہور زمانہ باربی ڈول کترینہ کیف اپنی صحت کو بہت خاص اہمیت دیتی ہیں اسی لئے انہوں نے اپنا کورونا وائرس کا ٹیسٹ کرایا ہے جو کہ مالدیپ میں کیا گیا۔

کترینہ کیف نے انسٹاگرام پر اپنی کورونا وائرس ٹیسٹ کراتے ہوئے وڈیو شیئر کی۔ اس دوران وہ پراعتماد اور خوش دکھائی دے رہی ہیں۔سیمپل لینے والے شخص نے پی پی ای کٹ پہن رکھی تھی اور مکمل حفاظتی انتظام کے ساتھ اداکارہ کا ٹیسٹ سیمپل لیا۔

 

View this post on Instagram

 

A post shared by Katrina Kaif (@katrinakaif)

ایک موقع پر اداکارہ کترینہ کیف کو تھوڑا درد یا تکلیف محسوس ہوئی جس پر انہوں نے سیمپل لینے والے شخص کا ہاتھ پکڑنے کی کوشش کی۔ لیکن سیمپل دینے کے بعد وہ مطمئن دکھائی دیں۔

کترینہ کیف کی وائرل ہونے والی ویڈیو کو لاکھوں مداحوں نے پسند کیا اور ان کے لئے نیک تمناؤں کا اظہار کیا ہے جبکہ کچھ لوگوں نے کمنٹس سیکشن میں لکھا کہ ٹیسٹ سیمپل لینے کے لئے غلط طریقہ کار اپنایا گیا۔