گوگل نیوز پر ہمیں فالو کریںسانگھڑ میں اونٹنی کی ٹانگ کاٹنے کے ظالمانہ واقعے کے بعد حیدر آباد میں ایک اور جانور پر ظلم ڈھا دیا گیا۔
یہ واقعہ سندھ کے دوسرے بڑے شہر حیدر آباد میں پیش آیا، جہاں دو گدھوں میں لڑائی ہوئی تو ایک گدھے کے مالک نے طیش میں آکر دوسرے گدھے کی ٹانگ کاٹ دی۔
پولیس کا اس حوالے سے کہنا ہے کہ واقعہ حیدر آباد کے سیری علاقے میں گزشتہ روز پیش آیا، ملزم گدھا گاڑی چلاتا ہے، راستے میں دو گدھوں میں لڑائی پر مالک نے دوسرے گدھے کو تشدد کا نشانہ بنایا، ملزم میر رند کو گرفتار کر کے عدالتی حکم پر جیل بھیج دیا گیا۔
واضح رہے کہ گزشتہ روز سندھ کے علاقے سانگھڑ میں با اثر افراد نے اونٹنی کی ٹانگ کاٹ دی تھی لیکن پولیس نے سب کچھ جانتے ہوئے بھی بااثر وڈیرے کے خلاف مقدمہ درج کرنے کے بجائے نامعلوم افراد کے خلاف مقدمہ درج کرلیا۔
بعد ازاں وزیرا علیٰ سندھ مراد علی شاہ نے معاملے کا نوٹس لے لیا جبکہ پولیس نے مقدمہ درج کرکے 5 افراد کو حراست میں لے لیا گیا۔
